Кегейли районы, «Жаңабазар» АПЖ (Кегейли массиви) аймағында жайласқан «QALBIYKE ELTI» пахта-ғǝллешилик фермер хожалығының жер майданларыныӊ айырым бөлегин ҳǝкимият жер қоры есабына қайтарып алыў ҳаққында

«QALBIYKE  ELTI» пахта-ғǝллешилик фермер хожалығы баслығы Е.Мухамбетовтың район ҳәкимлигине фермер хожалығына ижараға берилген жер майданларыныӊ айырым бөлегин ҳǝкимият жер қоры есабына қайтарып тапсырыў ҳаққындағы 2021-жыл  1-март күнги 10-санлы қатнас хаты ҳәм районы ҳәкимлиги жанындағы жер майданларын бериў (реализация етиў) ҳәм қайтарып алыў мәселелерин көрип шығыў комиссияның ҳүжжетлерин көрип шығып, Өзбекстан Республикасы «Жер кодекси»ниң 36-статьясы 1-пунктине тийкарланып,  Кегейли районы ҳәкими

Ш Е Ш И М   Е Т Е Д И :

1. Кегейли районы ҳәкимлиги жанындағы жер майданларын бериў (реализация етиў) ҳәм қайтарып алыў мәселелерин көрип шығыў комиссияның 2021-жыл «29»-март күнги жуўмағы мақуллансын.
2. Кегейли районы, «Жаңабазар» АПЖ (Кегейли массиви) аймағында жайласқан «QALBIYKE ELTI» пахта-ғǝллешилик фермер хожалығына район ҳәкиминиң 2015-жыл  4-декабрь күнги 525-12-санлы шешими менен шөлкемлестирилген, фермер хожалығының улыўма майданы  223,6  га, соннан; 88,8 га егислик жерлер, 45,1 га пишензарлар ҳәм жайлаў жерлер, 10,0 га жап-салма ҳәм изейкешлер, 2,0 га жоллар ҳǝм шеллер, 77,7 га аўыл хожалығында пайдаланылмайтуғын басқа жер майданлары ажыратылып берилген, соннан аўыл хожалық картасындағы №622, 403, 621, 617а, 405, 404, 407, 412а-контурларда жайласқан улыўма майданы 80,3 га, соннан; 33,2 га егислик жерлер,  15,2 га жайлаў жерлер, 1,2 га жап-салма ҳәм изейкешлер, 0,9 га жоллар ҳәм шеллер, 29,8 га аўыл хожалығында пайдаланылмайтуғын жер майданларын ҳәкимият жер қоры есабына қайтарып алынсын.
3. «Жаңабазар» АПЖ (Кегейли массиви) аймағында жайласқан «QALBIYKE ELTI» пахта-ғǝллешилик фермер хожалығының улыўма майданы 143,3 га, соннан; 55,6 га егислик жерлер, 29,9 га жайлаў жерлер, 8,8 га жап-салма ҳәм изейкешлер, 1,1 га жол ҳәм шерллер, 47,9 аўыл хожалығында пайдаланылмайтуғын басқа жер майданлары етип белгиленсин.
4. Кадастр агентлигиниң Кегейли районлық бөлими(Ж.Сейтназаров)не «QALBIYKE ELTI» пахта-ғǝллешилик фермер хожалығының жер майданлары есабына тийисли өзгерислер киргизиў тапсырылсын.
5. Кегейли районы ҳәкимлиги жанындағы жер майданларын бериў (реализация етиў) ҳәм қайтарып алыў мәселелерин көрип шығыў комиссиясына усы шешим тийкарында қайтарып алынған жер майданларын ислеў мүмкиншилигине ийе фермер хожалығын шөлкемлестириўши пуқараларға ҳәм ҳәрекеттеги фермер хожалықларына қосымша етип бериў белгиленген тәртипте тендер жолы менен әмелге асырыў тапсырылсын.
6. Усы шешимниң орынланыўын қадағалаў район ҳәкиминиң орынбасары Қ.Есенбековқа жүкленсин.