Кегейли районы, «Жүзим бағ» АПЖ Жети төле елатында жасаўшы пуқара Довкенов Багтыбай Реченовичтың район ҳәкимлиги захира жер қоры есабынан дийқан хожалығын жүргизиў ушын жер майданын ажыратып бериў ҳаққындағы 2021-жыл 5-январь күнги арзасы, район ҳәкимлиги жанындағы жер майданларын бериў (реализация етиў) ҳәм қайтарып алыў мәселелерин көрип шығыў комиссиясы тәрепинен таярланған жуўмағын көрип шығып ҳǝм Өзбекстан Республикасы «Жер кодекси»ниң 55-статьясына тийкарланып Кегейли районы ҳәкими
Ш Е Ш И М Е Т Е Д И:
- Кегейли район ҳәкимлиги жанындағы жер майданларын бериў (реализация етиў) ҳәм қайтарып алыў мәселелерин көрип шығыў комиссиясының 2021-жыл «28»-январь күнги жуўмағы мақуллансын ҳәм пуқара Довкенов Багтыбай Реченовичтиң арзасы қанаатландырылсын.
- Кегейли районы, «Жүзим бағ» АПЖ (Халқабад массиви) аймағынан аўыл хожалық картасындағы № 10424ч контурда жайласқан 0,20 га аўыл хожалығында пайдаланбайтуғын басқа жер майданы пуқара Довкенов Багтыбай Реченовичқа дийқан хожалығын жүргизиў ушын мийрас етип қалдырылатуғын өмирлик ийелик етиўге ажыратылсын.
- Өзбекстан Республикасының «Дийқан хожалығы ҳаққында»ғы Нызамы талаплары тийкарында районлық Мәмлекетлик салық инспекциясына, Статистика бөлимине өз ўақтында есап-санақ жумысларын алып барыў, дийқан хожалығы баслығына ажыратылған жер майданға қурылыс жүргизбеўдиң ҳәм жерден нәтийжели пайдаланбаса ажыратылып берилген жер майданы нызамда белгиленген тǝртипте қайтарып алып қойылатуғынлығы ескертилсин.
- Кегейли районы Жер ресурслары ҳәм мәмлекетлик кадастр бөлими (А.Тилеулесов)не дийқан хожалықлары ушын ажыратылған жер майданын белгилеп бериў ҳәм районлық жер балансына тийисли өзгерислер киргизиў тапсырылсын.
- Усы шешимниң орынланыўын қадағалаў район ҳәкиминиң орынбасары Қ.Есенбековқа жүкленсин.
Кегейли районы ҳәкими: Д.Утемуратов
