«KEGEYLI QOGOZ» жуўапкершилиги шекленген жǝмийетиның целлюлоза цехы қурылысы ушын ажыратылып берилген жер майданларының айырым бөлегин қайтарып тапсырыў ҳаққындағы 2021-жыл 11-январь күнги 134-санлы қатнас хаты, район ҳәкимлиги жанындағы жер майданларын бериў (реализация етиў) ҳәм қайтарып алыў мәселелерин көрип шығыў комиссияның таярлаған ҳүжжетлерин көрип шығып ҳәм Өзбекстан Республикасы «Жер кодекси»ниң 36-статьясы 1-пунктине муўапық, Кегейли районы ҳәкими
Ш Е Ш И М Е Т Е Д И:
- «KEGEYLI QOGOZ» жуўапкершилиги шекленген жǝмийетиның жер майданларын қайтарып алыў ҳаққындағы район ҳәкимлиги жанындағы жер майданларын бериў (реализация етиў) ҳәм қайтарып алыў мәселелерин көрип шығыў комиссияның 2021-жыл «3»-февраль күнги акти мақуллансын.
- «Жузим бағ» АПЖ (Халқабад массиви) аймағында жайласқан «KEGEYLI QOGOZ» жуўапкершилиги шекленген жǝмийетине район ҳәкиминиң 2017-жыл 20-декабрь күнги 862-12-санлы шешими менен ажыратылып берилген, 2020-жыл 28-октябрь күнги 402-02-санлы шешимине тийкар жер майданларының айырым бөлегин район ҳәкимлиги жер қоры есабына қайтарып алынған. «KEGEYLI QOGOZ» жуўапкершилиги шекленген жǝмийетиның улыўма майданы 15,0 га, соннан; 14,7 га жайлаў жер, 0,1 жап-салма ҳәм изейкешлер, 0,2 га аўыл хожалығында пайдаланылмайтуғын басқа жер майданларын ибарат. Өзбекстан Республикасы Министерлер Кеңесиниң 2018-жыл 23-апрелдеги “Аймақларара бирликлер шегараларын белгилеў, жер ресрусларын хатлаўдан өткериў, жайлаў ҳәм пишензарларда геоботаник изертлеўлер өткериў тәртибин және де жеделлестириў ис-илажлары ҳаққында”ғы 299-санлы қарарының 2-бәнтине тийкар, Кегейли районы аймағындағы хожалықларара жер ресурсларын хатлаўдан өткериў жумыслары нәтийжеси тастыйқланды. Усыған тийкар исленген аўыл хожалық картасындағы № 8762ч, 8763-контурларда жайласқан улыўма майданы 10,0 га, соннан; 10,0 га аўыл хожалығында пайдаланылмайтуғын жер майданы ҳәкимият жер қоры есабына қайтарып алынсын.
- Қайтарып алынған жер майданлары аўыл хожалық картасындағы №8762ч, 8763-контурларда жайласқан улыўма 10,0 га жер майданы район ҳәкимлиги жер қоры есабына өткерилсин.
- «KEGEYLI QOGOZ» жуўапкершилиги шекленген жǝмийетиниң улыўма майданы 5,0 га жер майданы етип белгиленсин.
- Районлық Жер ресурслары ҳәм мәмлекетлик кадастр бөлимине «KEGEYLI QOGOZ» жуўапкершилиги шекленген жǝмийетиның жер майданлары есабына тийисли өзгерислер киргизиў тапсырылсын.
- Усы қарарды көрип шығып тастыйықлаў Қарақалпақстан Республикасы Министрлер Кеңесинен соралсын.
- Усы шешимниң орынланыўын қадағалаў район ҳәкиминиң орынбасары Қ.Есенбековқа жүкленсин.
Кегейли районы ҳакими Д.Утемуратов
