Өзбекстан Республикасы Президентиниң 2021 жыл 10-февральдағы «Нызамшылық ҳүжжетлериниң орынланыўын нәтийжели шөлкемлестириўде мәмлекетлик басқарыў органлары ҳәм жергиликли атқарыўшы ҳәкимият органлары басшыларының жеке жуўапкершилигин күшейттириўге тийисли қосымша ис-илажлар ҳаққында»ғы ПФ-6166-санлы Пәрманының орынланыўын тәмийинлеўди шөлкемлестириў илажлары ҳаққында

26.02.2021 18:00:09 195 Баспаға шығарыў

Өзбекстан Республикасы Президентиниң 2021-жыл 10-февральдағы «Нызамшылық ҳүжжетлериниң орынланыўын нәтийжели шөлкемлестириўде мәмлекетлик басқарыў органлары ҳәм жергиликли атқарыўшы ҳәкимият органлары басшыларының жеке жуўапкершилигин күшейттириўге тийисли қосымша ис-илажлары ҳаққында»ғы ПФ-6166-санлы Пәрманына муўапық халық депутатлары Кегейли районлық  районлық Кеңеси

ШЕШИМ ЕТЕДИ:

  1. Өзбекстан Республикасы Президентиниң 2021 жыл 10-февральдағы «Нызамшылық ҳүжжетлериниң орынланыўын нәтийжели шөлкемлестириўде мәмлекетлик басқарыў органлары ҳәм жергиликли атқарыўшы ҳәкимият органлары басшыларының жеке жуўапкершилигин күшейттириўге тийисли қосымша ис-илажлар ҳаққында»ғы ПФ-6166-санлы Пәрманы ҳәмде усы пәрман тийкарында қабыл етилген Қарақалпақстан Республикасы Министрлер Кеңесиниң 2021 жыл 17-февральдағы 41-санлы қарары орынлаў ушын басшылыққа алынсын.
  2. Кегейли районы ҳәкимлигинде, мәмлекетлик мәкемелерде ҳәм хожалық басқарыў органларында Өзбекстан Республикасы Президентиниң 2021-жыл 10-февральдағы ПФ-6166-санлы Пәрманының орынланыўын тәмийинлеў бойынша “Жол каратасы” 1-қосымшаға, жумысларды шөлкемлестириў ҳәм атқарыў интизамын беккемлеўдиң тийкарғы жөнелислерин әмелге асырыў бойынша “Ҳәрекетлер режеси” 2-қосымшаға, “Жол картасы”нда белгиленген ис-илажлардың өз ўақтында ҳәм сапалы әмелге асырылыўын тәмийинлеў бойынша Шөлкемлестириў топары 3-қосымшаға муўапық тастыйықлансын.
  3. Кегейли районы ҳәкимлиги, мәмлекетлик басқарыў органлары ҳәм шөлкемлердиң басшылары:

– Өзбекстан Республикасы Президентиниң жоқарыдағы Пәрманында белгиленген талаплардың өз ўақтында ҳәм сапалы, сондай-ақ, нызамшылық ҳүжжетлери ҳәм тапсырмалардың орынланыўын тәмийинлеў бойынша жеке жуўапкер екенлиги көрсетип өтилсин;

– “Жол картасы”нда белгиленген мүддетлерде нызамшылық ҳүжжетлери ҳәм тапсырмалардың әмелге асырылыўын тәмийинлеў бойынша мақсетли үйрениўлерди турақлы түрде алып барыў, тапсырмалардың нәтийжели әмелге асырылыўын, ерисилген нәтийжелер ҳәм анықланған кемшиликлер сын
көз-қараста талқылап барсын;

– нызамшылық ҳүжжетлери ҳәм тапсырмалардағы ўазыйпалар хәм талаплардың өз ўақтында әмелге асырылыўын тәмийинлеўде кемшиликлерге жол қойып атырған жуўапкер шахсларға белгиленген тәртипте интизамий жаза қолланыў шараларын көриў тапсырылсын.

  1. Өзбекстан Республикасы Президентиниң жоқарыдағы аты аталған Пәрманы менен 2021 жыл 1-май сәнесинен баслап барлық мәмлекетлик органлары ҳәм шөлкемлери ҳәмде жергиликли мәмлекетлик ҳәкимият органларында атқарыўшылықты қадағалаў, қадағалаў картотекаларын жүритиў ҳәм есабатларын қәлиплестириў тек «Ijro.gov.uz» системасында әмелге асырылыўы белгиленгенлиги мағлыўмат ушын қабыл етилсин.
  2. Кегейли районы әдиллик бөлимине:

– нызамшылық ҳүжжетлери ҳәм тапсырмалардың өз ўақтында, толық ҳәм сыпатлы әмелге асырылыўын тәмийинлеў бойынша тараўлар кесиминде мәнзилли үйрениўлер алып барыў ҳәм мониторингин жүргизиў, бул бағдарда орын алып атырған машқалаларды анықлаў ҳәмде оларды ҳал етиў бойынша тийисли мәкемелерге анық усыныслар бериў;

– мәмлекетлик мәкемелер ҳәм карханаларға нызамшылық ҳүжжетлери ҳәм тапсырмалардың орынланыўы бойынша ҳуқықый-методикалық мәсләҳәтлер берип барыў ўазыйпалары жүкленсин.

  1. Мәмлекетлик мәкемелердеги атқарыўшылық интизамының сыпаты ҳәм аўҳалы ҳәр айда үйренилип шығылсын ҳәм Халық депутатлары районлық Кеңестиң сессияларында ҳәм турақлы комиссиялар мәжилислеринде тийкарланған анализлерге муўапық сын-көз қараста талқыланып барылсын.
  2. Халық депутатлары Кегейли районлық Кеңесиниң турақлы комиссияларына, районлық Кеңес депуталарына Пәрман талапларының орынланыуын тәмийинлеў бойынша “Жол картасы”ндағы белгиленген ўазыйпалардың избе-из ҳәм өз ўақтында орынланыўы үстинен турақлы түрде депутатлық ҳәм жәмийетшилик қадағалаўын алып барсын.
  3. Нызамшылық ҳүжжетлери ҳәм тапсырмалардың орынланыўын тәмийинлеў бағдарындағы алып барылып атырған жумыслар ғалаба хабар қуралларында ҳәм социаллық тармақларда кең түрде жарытып барылсын.
  4. Усы шешимниң орынланыў барысын қадағалаў Халық депутатлары Кегейли районлық Кеңесиниң турақлы комиссияларына ҳәм Кегейли районы ҳәкиминиң тараўлар бойынша орынбасарларының жуўапкершилигине жүкленсин.

 

Халық депутатлары Кегейли
районлық Кеңесиниң баслығы                                        Д.Утемуратов

 

26.02.2021 18:00:09 196