Кегейли районы ҳәкиминиң Ғалаба хабар қураллары ўәкиллерине байрам қутлықлаўы

27.06.2020 18:04:45 324 Баспаға шығарыў

Ҳүрметли заманымыз жанкүйерлери!

Бәршеңизди 27-июнь «Баспасөз ҳәм ғалаба хабар қураллары күни» менен шын кеўлимнен қутлықлайман. Бүгинги информация технологияларының жедел раўажланған дәўиринде адамлардың информацияға болған талабы анағурлым артты. Жәмийеттиң хабар ҳәм мағлыўматларға болған талабын қанаатландырыўда, информацияны оператив соның менен бирге обьектив жеткериўде сизлердиң тутқан орныңыз айрықша. Солай екен, журналистлеримизден бүгинги жәмийет қалыслық, әдиллик, халықшыллықты талап етеди. Мине усындай жуўапкершиликли уазыйпаларды бар күш-жигери менен орынлаўда ғалаба хабар қураллары ўәкиллери халық ҳәм мәмлекет ортасында көпир ўазыйпасын атқарып атыр. Сонлықтанда Хүрметли Президентимиз бул кәсип ийелерин ҳәр бир сөзинде айрықша атап өтеди. Хақыйқатында да бундай итибар тийкарында үлкен мәнис ҳәм мазмун бар. Себеби, әзелден қәлем халқы мәмлекеттиң абыройын арттырыўда баслы орынлардан бирин ийелейди. Буны биз шайырымыз, Ѳзбекстан Қаҳарманы Абдулла Ариповтың дөретиўшилигиндеги  «Тимур тиғи етмаган жойни, қалам билан олди Алишер» деген қатарларынан аңласақ болады. Солай екен, халық ҳәм мәмлекетимиз алдындағы жуўапкершиликли ҳәм машақатлы уазыйпаларыңызды орынлаўда сизлерге талмас күш-ғайрат, дөретиўшилигиңизде тасқын табыслар тилеймен.

Кегейли районы ҳәкими: М.Абдиров

27.06.2020 18:04:45 325