Ҳүрметли пуқаралар, мәкеме ҳәм қәрхана басшылары, Қарақалпақстан Республикасы Айрықша жағдайлар басқармасы ескертеди!!!

01.05.2020 12:19:09 1451 Баспаға шығарыў

Усы жылдың 1-3 май күнлери елимизде ҳаўа райы өзгерип, күшли жаўын ҳәм самал есиўи мүмкин. Сол себебли жүзеге келиўи мүмкин болған айрықша жағдайлардың алдын алыў ҳәм қәўипсизликти тәминлеў мақсетинде төмендеги ис-илажларды әмелге асырып, қәўипсизлик қағыйдаларына әмел етиўиңизди сораймыз.

 

-барше турақ жайлар ҳәмде мәмлекетлик кәрхана имаратларының төбе бастырмалары үйренип шығылып, зәрүр жағдайларда беккемленсин

 

-электр ҳәм байланыс бағаналары (столба) әтирапындағы тереклердиң шақалары путалансын.

 

-Тереклер, жол белгилери, үлкен реклама транспарантлары ҳәм қурылмаларының қасында автотранспортлардың ҳәрекети ҳәм тоқтап турыўы мүмкин емес

 

-Суў тасқынының алдын алыў мақсетинде белгиленген жап-салмалар ҳәмде канализация тармақларын тазалаў ислери әмелге асрылсын

 

-күшли самал ўақтында қөшеге шықпаң

 

-имараттың бәрше ашық болған жерлери, есиги ҳәм айналары беккем қылып жаўылыўы керек

 

-ҳәр қандай турмыслық техникалар электр ток ҳәм газ тармақларынан ажратылыўы тийис

 

-күшли самал ўақтында көшеде болсаңыз имаратлар, көпирлер, тереклер ҳәм автомобиллерге жақынласпаң

 

-егер автомобилде болсаңыз тезликти асырмаң, дәрия ҳәм қырғақ бойындағы жолларда илажы барынша ҳәрекетленбең

 

Ҳүрметли пуқаралар қәўипсизлик қағыйдаларына әмел етейик, ең қәўипсиз жер бул сизин үйиңиз, үйде қалың!!!

 

 

Қарақалпақстан Республикасы Айрықша жағдайлар басқармасы

01.05.2020 12:19:09 1452