КЕГЕЙЛИШИ СПОРТШЫ ҚЫЗЫМЫЗДЫ ҚУТЛЫҚЛАЙМЫЗ

16.10.2019 12:04:41 883 Баспаға шығарыў

Ташкент қаласы 2019-жыл 12-14 октябрь аралығында спорттың «Самбо» түри бойынша жас ѳспиримлер арасында жәҳән чемпионаты болып ѳтти. Чемпионатқа дүньяның 40 тан аслам мәмлекетлеринен спортшылар қатнасты.

Қызғын беллесиўлерге бай тәризде ѳткерилген чемпионат жуўмағында Кегейлиши қызымыз Оразбаева Несийбели 60 (алпыс) кг салмақта сыйлы II-орын жеңимпазы болды.

Оразбаева Несийбели 2001-жыл Кегейли районы «Ақтуба» аўыл пуқаралар жыйынында туўылған. Ҳәзирги ўақытта Нѳкис Олимпия резервлери мектеп интернатының III курсында оқып атыр.

Заманласымызды жеңиси менен кутлықлаймыз.

16.10.2019 12:04:41 884