Isbilermenlik hám qalasazlıq iskerligin ámelge asırıw ushın jer uchastkaların ajıratıw ushın onlayn aukcionǵa jer maydanların jaylastırıw haqqında

Isbilermenlik hám qalasazlıq iskerligin ámelge asırıw ushın jer uchastkaların ajıratıw ushın onlayn aukcionǵa jer maydanların jaylastırıw haqqında

Ózbekstan  Respublikası Ministrler  Kabinetiniń 2022-jıl 2-dekabrdegi «Awıl xojalıǵına mólsherlenbegen jer uchastkaların menshiklestiriw  hám elektron onlayn auksion arqalı ijaraǵa beriw tártip-principleri ápiwayilastırılıwı  múnásibeti menen Ministrler Kabinetiniń “Awıl xojalıǵına mólsherlenbegen jer uchastkaların menshiklestiriw  haqqında”ǵı  Ózbekstan Respublikası  Nızamın  ámelge asırıw is-ilajları haqqında”ǵı 2022-jıl 14-fevraldaǵı 71-sanlı qararına ózgeris hám qosımshalar kiritiw haqqında”ǵı 685-sanlı qararın basshılıqqa alıp,  Qaraqalpaqstan Respublikası Konstituciyasınıń 93,94-stat’yaları, hámde  «Jergilikli mámleketlik hákimiyat haqqında»ǵı Qaraqalpaqstan Respublikası Nızamınıń  5-22-statyalarina tiykarlanıp

SHESHIM ETEMEN:

1. Ózbekstan Respublikası Ministrler Kabinetiniń 2022-jıl 2-dekabrdegi 685-sanlı qararı orınlaw ushın basshılıqqa alınsın.
2. Kegeyli rayonı aymaǵınan tańlanǵan bos jer maydanı isbilermenlik hám qalasazlıq iskerligin ámelge asırıw ushın «YERELEKTRON» avtomatlastırılǵan málimleme sisteması arqalı wákillikli uyımlar tárepinen berilgen juwmaqlar maǵlıwmat ushın qabıl etilsin.
3. Kegeyli rayonı aymaǵınan tańlanǵan bos jer uchastkaları isbilermenlik hám qalasazlıq iskerligin ámelge asırıw ushın qosımshaǵa muwapıq elektron aukcionda realizaciya qılıw ushın qoyılsın.
4. Mámleketlik kadastrlar palatası Qaraqalpaqstan Respublikası basqarmasınan isbilermenlik hám qalasazlıq iskerligin ámelge asırıw ushın onlayn aukcion juwmaǵı menen usı jer maydanların belgilengen tártipte mámleketlik dizimnen ótkeriw soralsın.
5. Kegeyli rayonı hákimligi Málimleme xızmeti baslıǵı N.Dauenova “EIJRO-AUKSION” birden-bir elektron sawda maydanshasında onlayn aukcionga qoyılǵan jer uchastkası haqqındaǵı maǵlıwmatlardı rayon hákimligi rásmiy vebsaytlarında jaylastırılıwın támiyinlesin.
6. Usı sheshimniń orınlanıwın qadaǵalaw rayon hákiminiń orınbasarı R.Erejepovqa júklensin.

Kegeyli rayonı   hákimi:                                                   A.Kamalov

Kegeyli rayonı aymaǵındaǵı bos jer ushastkaların isbilermenlik hám qalasazlıq iskerligin ámelge asırıw ushın «YERELEKTRON» avtomatlastırılǵan xabar sisteması arqalı elektron auksionda realizaciya qılınatuǵin jer maydanlarınıń dizimi