Өзбекстан Республикасы Президентиниӊ 2020-жыл 5-октябрдеги «Санлы Өзбекстан – 2030» стратегиясын тастыйықлаў ҳәмде оны нәтийжели әмелге асырыў илажлары ҳаққында»ғы ПФ-6079-сан Пәрманының орынланыўын тәмийинлеў мақсетинде Өзбекстан Республикасы Минстрлер Кабинетиниң 2021-жыл 19-ноябрдеги «Өзбекстан Республикасы телекоммуникация инфраструктурасын жәнеде раўажландырыў ис-иләжлары ҳаққында»ғы 699-сан қарары қабыл етилген. Усы қарар менен аймақларда шийше талшықлы байланыс линияларын, сондай ақ кеӊ полосалы жалғаныў тармағын раўажландырыў, мобиль байланыс ҳәмде тағы басқа заманагөй технологиялардан кеӊ пайдаланыў арқалы телекоммуникация инфраструктурасын жәнеде раўажландырыў тийкарғы бағдарлары етип белгиленген.
Соған тийкар, “Өзбектелеком” АК Қарақалпақстан Республикасы филиалы тәрепиннен Кегейли районы аймағында 2024 жылдың өткен ярым жыл дәўиринде жәми 62,3 км. узынлықтағы шийше талшықлы байланыс кабеллери тартылған. Район халқына жоқары тезликтеги телекоммуникация хызметлерин көрсетиў мақсетинде районның “Ақтуба” ҳәм “Қумшунгул” АПЖ аймақларына жәми 49 объектлерге сыйымлылығы 1536 портқа ийе “GPON” технологиясы тийкарында ислеўши телекоммуникация қурылмалары тазадан қурып питкерилген ҳәмде усы объектлер пайдаланыўға тапсырылмақта.
Өзбекстан Республикасы Президентиниӊ 2018-жыл 21-ноябрдеги
ПҚ-4024-сан Қарары менен белгилеп берилген ўазыйпалар шеңберинде Мәлимлемелестириў ҳәм телекоммуникациялар тараўында қадағалаў инспекциясы (“Ўзкомназорат” Инспекциясы) Қарақалпақстан Республикасы аймақлық бөлими тәрепинен “Өзбектелеком” АК Қарақалпақстан Республикасы филиалыныӊ Кегейли районында тазадан қурып питкерилген ҳәмде қабыллаў комиссиясына тапсырылған телекоммуникация объектлеринде қурылыс жумыслары белгиленген талапларға муўапық алып барылғанлығы бойынша үйрениў жумыслары өткерилди ҳәмде тийисли көрсетпелер берилди.
Еслетпе! Мәлимлемелестириў ҳәм телекоммуникация технологиялары тараўында көрсетилип атырған хызметлер сапасы бузылған жағдайда “Ўзкомназорат” Инспекциясыныӊ 1144 қысқа нөмерине мүрәжат етиўиңиз мүмкинлигин билдиремиз.
Ózbekstan Respublikası Prezidentiniӊ 2020-jıl 5-oktyabrdegi «Sanlı Ózbekstan – 2030» strategiyasın tastıyıqlaw hámde onı nátiyjeli ámelge asırıw ilajları haqqında»ǵı PF-6079-san Pármanınıń orınlanıwın támiyinlew maqsetinde Ózbekstan Respublikası Minstrler Kabinetiniń 2021-jıl 19-noyabrdegi “Ózbekstan Respublikası telekommunikaciya infrastrukturasın jánede rawajlandırıw is-ilájları haqqında”ǵı 699-san qararı qabıl etilgen. Usı qarar menen aymaqlarda shiyshe talshıqlı baylanıs liniyaların sonday aq, keń polosalı jalǵanıw tarmaǵın rawajlandırıw, mobil baylanıs hámde taǵı basqa zamanagóy texnologiyalardan keń paydalanıw arqalı telekommunikaciya infrastrukturasın jánede rawajlandırıw tiykarǵı baǵdarları etip belgilengen.
Soǵan tiykar, “Ózbektelekom” AK Qaraqalpaqstan Respublikası filialı tárepinnen Kegeyli rayonı aymaǵında 2024 jıldıń ótken yarım jıl dáwirinde jámi 62,3 km. uzınlıqtaǵı shiyshe talshıqlı baylanıs kabelleri tartılǵan. Rayon xalqına joqarı tezliktegi telekommunikaciya xızmetlerin kórsetiw maqsetinde rayonnıń “Aqtuba” hám “Qumshungul” APJ aymaqlarına jámi 49 obektlerge sıyımlılıǵı 1536 portqa iye “GPON” texnologiyası tiykarında islewshi telekommunikaciya qurılmaları tazadan qurıp pitkerilgen hámde usı obektler paydalanıwǵa tapsırılmaqta.
Ózbekstan Respublikası Prezidentiniӊ 2018-jıl 21-noyabrdegi PQ-4024-san Qararı menen belgilep berilgen wazıypalar sheńberinde Málimlemelestiriw hám telekommunikaciyalar tarawında qadaǵalaw inspeksiyası (“Ózkomnazorat” Inspeksiyası) Qaraqalpaqstan Respublikası aymaqlıq bólimi tárepinen “Ózbektelekom” AK Qaraqalpaqstan Respublikası filialınıń Kegeyli rayonında tazadan qurıp pitkerilgen hámde qabıllaw komissiyasına tapsırılǵan telekommunikaciya obektlerinde qurılıs jumısları belgilengen talaplarǵa muwapıq alıp barılǵanlıǵı boyınsha úyreniw jumısları ótkerildi hámde tiyisli kórsetpeler berildi.
Esletpe! Málimlemelestiriw hám telekommunikaciya texnologiyaları tarawında kórsetilip atırǵan xızmetler sapası buzılǵan jaǵdayda “Ózkomnazorat” Inspekciyasınıń 1144 qısqa nómerine múrájat etiwińiz múmkinligin bildiremiz
