Bárshemizge bilgili, elimizde alıp barılıp atırılǵan ekonomikalıq reformalar qatarında insan máplerin qorǵaw da ayrıqsha áhmiyetke iye bolıp atır.
Ásirese, bul baǵdarda jámiyetimizde gender teńlik principiniń keń engiziw boyınsha mámleketimiz nızamshılıǵına ózgertiw hám qosımshalar kiritiw menen bir qatarda, jańa Nızam hám Xúkimet qararları qabıl etilgen.
Sonday-aq, basım hám zorlıqshılıqtan jábirlengen shaxslarǵa sociallıq xızmetler kórsetiwdi jetilistiriw boyınsha qosımsha ilajlar haqqında” Ózbekstan Respublikası Prezidentiniń PQ-175-san qararı qabıllandı. Qararǵa kóre, basım hám zorlıqshılıqtan jábirlengen shaxslarǵa “shańaraq – máhelle – rayon hám aymaq” principi tiykarında kompleksli sociallıq xızmetler kórsetiw sisteması engiziledi.
Usı jıldıń 1 iyun’ sánesinen:
Basım hám zorlıqshılıqtan jábirlengen yamasa jábirleniw qáwipi astında bolǵan hayal-qızlarǵa qorǵaw orderi talap etpegen halda sociallıq, psixologiyalıq hám yuridikalıq xızmetler kórsetiw tártibi engiziliwi;
hayal-qızlarǵa qarata basım hám zorlıqshılıq jaǵdayı ishki isler organları náwbetshilik bóliminiń “102” telefon nomerlerine kelip túsken múrájatlar tiykarında dizimge alınıwı;
basım hám zorlıqshılıq jaǵdayı yamasa olardıń júz beriw qáwipi anıqlanǵan waqıttan baslap 24 saat ishinde tómendegiler ámelge asırılıwı belgilendi.
Bunnan tısqarı; hayal-qızlar belsendisi hám máhelledegi profilaktika inspektorı qatnasıwında basım hám zorlıqshılıqtı islegen shaxs penen sáwbetlesiw ótkeriliwi, profilaktika inspektorı tárepinen qorǵaw orderiniń rásmiylestiriliwi, basım hám zorlıqshılıqtan jábir kórgen hayal-qızlar hám olardıń jas óspirim perzentleri oraylıq rayon (qala ) emlewxanalarınıń asıǵıs qabıl bólimlerine jaylastırılıwı, rásmiylestirilgen qorǵaw orderlari hám jábirlengen shaxslarǵa tiyisli maǵlıwmatlar “Insan” oraylarına “Birden-bir milliy sociallıq qorǵaw” xabar sisteması arqalı jiberiliwide názerde tutılǵan.
Kegeyli rayonı
Ádillik bólimi bas máslahatshisi B.B.Ikmetullaev
