ХАЛЫҚ ДЕПУТАТЛАРЫ КЕГЕЙЛИ РАЙОНЛЫҚ КЕҢЕСИ ШЕШИМИ

28.01.2022 12:30:49 23 Баспаға шығарыў

Кегейли районы ҳәкимшилик-аймақлық дүзилиси мәселелери бойынша комиссиясының Кегейли районы “Ақтуба”, “Жаңа базар” аўыллары ҳәм Кегейли посёлкасының шегараларын ѳзгерттириў туўралы жуўмағы ҳаққында

Кегейли районы ҳәкимшилик-аймақлық дүзилиси мәселелери бойынша комиссиясының ҳәмде Кегейли районы “Ақтуба, “Жаңабазар” аўыл пуқаралар жыйынларының “Ақтуба” ҳәм “Жаңабазар” аўылларының шегараларын ѳзгерттириў ҳаққындағы усынысларын қарап шығып, сондай-ақ “Өзбекстан Республикасының ҳәкимшилик-аймақлық дүзилиси ҳаққында”ғы Өзбекстан Республикасы Нызамының 28-статьясына муўапық Халық депутатлары Кегейли районлық Кеңеси

 

Ш Е Ш И М Е Т Е Д И:

 

1. Кегейли районы ҳәкимшилик-аймақлық дүзилиси мәселелери бойынша комиссиясының ҳәмде Кегейли районы “Ақтуба, “Жаңабазар” аўыл пуқаралар жыйынларының “Ақтуба” ҳәм “Жаңабазар” аўылларының шегараларын ѳзгерттириў ҳаққындағы усыныслары мақуллансын.

2. Кегейли районы “Ақтуба”, “Жаңабазар” аўыллары шегараларының ѳзгериўи мүнәсибети менен:

– Ақтуба аўыл пуқаралар жыйынының “Есебий” елатлы пункти аймағындағы жаңа турақ жайлар массивинде жайласқан хожалықларды Кегейли посёлкасы “Жылўан жап” мәҳәлле пуқаралар жыйыны қурамына, “Тамғалы” елатлы пункти аймағындағы жаңа турақ жайлар массивинде жайласқан хожалықларды Кегейли посёлкасы “Абат мәкан” мәҳәлле пуқаралар жыйыны қурамына, “Ѳтеген” елатлы пункти аймағындағы Үлгили жойбар тийкарында салынған турақ жайлар массивинде жайласқан хожалықларды Кегейли посёлкасы “Мәденият” мәҳәлле пуқаралар жыйыны қурамына;

– Жаңабазар аўыл пуқаралар жыйынының “Ажим” елатлы пункти аймағындағы жаңа турақ жайлар массивинде жайласқан хожалықларды Кегейли посёлкасы “Нурлы бостан” мәҳәлле пуқаралар жыйыны қурамына ѳткериў ҳаққындағы усыныслары мақуллансын.

3. Кегейли районы ҳәкимлиги (Д.Утемуратов) Кегейли районы “Ақтуба”, “Жаңабазар” аўыллары ҳәмде Кегейли посёлкасы шегараларының ѳзгериўине байланыслы таярланған тийисли ҳүжжетлерди Қарақалпақстан Республикасы Министрлер Кеңесине усынсын.

4. Мәмлекетлик кадастрлар палатасы Қарақалпақстан Республикасы басқармасы Кегейли районы филиалы баслығы Д. Рустемовқа Кегейли районы “Ақтуба”, “Жаңабазар” аўыллары шегараларының ѳзгериўине байланыслы “Ақтуба”, “Жаңабазар” аўылларының ҳәм Кегейли посёлкасының картографиялық сызылмасын таярлап бериў ҳәм шегара сызықларын белгилеп бериўге миннетленсин.

5. Усы шешимниң орынланыўын қадағалаў Халық депутатлары Кегейли районлық Кеңесиниң санаат, транспорт, қурылыс, коммунал хожалығы ҳәм халыққа хызмет көрсетиў мәселелери бойынша турақлы комиссиясына ҳәмде район ҳәкиминиң орынбасары А.Сейтимбетовқа жүкленсин.

28.01.2022 12:30:49 24