Кегейли районы ҳәкими Камалов Айбек Қудабаевичтиң 8-март “Халықаралық ҳаял-қызлар күни” мүнәсибети менен район ҳаял-қызларына жоллаған байрам қутлықлаўы

08.03.2024 11:56:09 87 Баспаға шығарыў

Ассалаўма алейкум әзиз хаял-қызлар, қәдирли апа-қарындаслар!

Бәршеңизди 8-март -“Халықаралық ҳаял-қызлар күни” байрамы менен қызғын қутлықлайман.

Ҳаял-қызлар дүньяның көрки, шаңарағымыздың уйтқысы, жәмийетте болса, кәсиплесимиз, татыўлықты, әдеп-икрамлылықты ҳәм сулыўлықты жаратыўшы инсанлар саналады.

Кейинги жыллары елимизде ҳаял-қызларымыз ушын үлкен имкәниятлар есиги ашылды. Ҳүрметли Президентимиз басламасы менен жәмийетимизде ҳаял-қызлардың ролин асырыўға бағдарланған жойбарлар әмелге асырылып, олар ушын үлкен имкәниятлар жаратылмақта.

Әдиўли аналар,
Қәдирли ҳаял-қызлар!

Пурсаттан пайдаланып, бәршеңизди және бир мәрте бүгинги байрам менен қызғын қутлықлайман. Шаңарақларыңызға беккем аўызбиршилик, жумысларыңызға табыслар, дәстурханыңызға қут-берекет тилеймен.

@kegeylirkuzofficial

08.03.2024 11:56:09 88