Xalıqtı dizimge alıwǵa tayarlıq kóriw hám ótkeriw jumısları keń qamrawlı ilaj bolıp, izbe-iz hámde bir waqıttıń ózinde tiyisli ilajlardı ámelge asırıw múmkin bolǵan úsh basqıshtı óz ishine aladı:
Birinshi basqıshta (3 jılǵa deyin bolǵan dáwir) tómendegi jumıslar ámelge asırıladı:
xalıqtı dizimge alıw ilajin ótkeriwdi shólkemlestiriw, ótkeriw princpleri, ámeliy tiykarları hám qarjılandırıw dereklerin anıqlaw máselelerin tártipke salıwshı normativlik huqıqıy hújjetler tayarlanadı;
xalıqtı dizimge alıw ilajı dástúrin, onıń nátiyjelerin alıw hám jarıyalawdı shólkemlestiriw ámeliyatı islep shıǵarıladı;
xalıqtı sınaw tiykarında dizimge alıw ilajına tayarlıq kóriw hám ótkeriwdi shólkemlestiriw, onıń nátiyjelerin shólkemlestiriw jumısları alıp barıladı;
hár bir dizimge alıwshılar óz aymaǵı boyınsha kartalar menen támiyinlenedi;
elatlı punktlerdegi úylerdiń dizimin dúziw hám xalıqtı dizimge alıw ilajin ótkeriwdiń shólkemlestiriwshi rejesi dúziledi;
hár bir imarattıń nomerleniwi hámde kóshelerge atama belgileri qıstırılıwı boyınsha jumıslar ámelge asırıladı;
zamanagóy kartalaw texnalogiyalarınan paydalanǵan halda xalıqtı dizimge alıw ilajına
tayarlıq kóriw, onıń ótkeriliwin qadaǵalaw, juwmaqlawshı nátiyjelerdi alıw hám usınıwdıń avtomatlastırılǵan sistemasın jaratıw arqalı ilaj monitoring qılıp barıladı;
xalıqqa xalıqtı dizimge alıwdıń maqseti hám wazıypaların úgit násiyatlap barıladı;
dizimge alıw qaǵazları hám basqa hújjetler baspadan shıǵarılıp, orınlardaǵı qániygelerge jetkeriledi;
dizimge alıw uchastkaların imarat, transport hám baylanıs quralları menen támiyinlew jumısları shólkemlestiriw;
dizimge alıw ilajında qatnasatuǵın waqtınshalıq qániygeler oqıtılıp, kerekli qurallar menen támiyinlenedi;
xalıqtı dizimge alıw ilajına tayarlıq kóriw menen baylanıslı basqa jumıslar alıp barıladı.
Ekinshi basqıshta (10 kúnnen 60 kúnge shekemgi bolǵan dáwir) tikkeley xalıqtı dizimge alıw ilajin ótkeriw jumısları ámelge asırıladı, yaǵnıy xalıq haqqındaǵı maǵlıwmatlar jıynaladı, qadaǵalaw tekseriwleri ótkeriledi hám xalıqtı dizimge alıw ilajiniń materialları qayta islew ushın mólsherlengen qurılmalarǵa usınıladı.
Úshinshi basqıshta (2 jıldan 3 jılǵa shekemgi bolǵan dáwir) tómendegiler ámelge asırıladı:
xalıqtı dizimge alıw ilajiniń birlemshi maǵlıwmatların qayta islew boyınsha qáliplesken strukturalar tárepinen qabıl qılıp alınadı;
xalıqtı dizimge alıw ilajı materialların avtomatlastırılǵan sistemada qayta islewge tayarlanadı;
birlemshi maǵlıwmatlardı kiritiw, kodlastırıw, qadaǵalaw jumısları ámelge asırıladı;
xalıqtı dizimge alıw boyınsha dástlepki nátiyjeler alınadı;
xalıqtı dizimge alıw ilajı nátiyjelerin jarıyalaw hám olardı tarqatıw jumısları ámelge asırıladı.
