2023-jıldıń 28 iyul kúni «Qaraqalpaqstan Respublikası xalqın sociallıq qollap-quwatlaw hámde fizikalıq shaxsları tárepinen qurılǵan úy-jaylarǵa bolǵan huqıqların tán alıw haqqında»ǵı Prezident Pármanı (PF-119-sanlı) qabıllandı.
Pármanǵa kóre, Qaraqalpaqstan Respublikası territoriyasında puqaralardıń huqıqın belgilewshi hújjetlersiz qurılǵan úy-jayları jaylasqan jer uchastkalarına ijara huqıqı, onda ornalasqan imaratlarǵa múlk huqıqı tán alınadı.
Sonday-aq, bunıń ushın puqara usı úy-jaydan 2018-jıl 1-mayǵa shekem dáwirden baslap óziniki kibi insaptan, áshkara hám úzliksiz paydalanǵan bolıwı, bul jaǵday kosmik súwretlerdi qayta islew arqalı hámde sońǵı 5 jıl jer salıǵı hámde mal-múlk salıǵı tólengenligi menen tastıyıqlanǵan bolıwı lazım.
Huqıqlardı tán alıw xalıq deputatları rayon (qala) Keńesleriniń qararları menen tastıyıqlanatuǵın turaq-jaylar dizimine muwapıq Joqarǵı Keńes qararı menen rásmiylestiriledi.
Bunda:
- talapkerler hám (yamasa) shegaralas jer uchastkaları iyeleri ortasında dawlar bolǵan jaǵdaylarda, xalıq deputatları rayon (qala) Keńesleriniń qararları dawlar saplastırılǵannan keyin qabıl etiledi;
- xalq deputatları rayon (qala) Keńesleri tárepinen qararlar qabıllaw hám de olarǵa ózgertiwler hám qosımshalar kirgiziwdiń aqırǵı múddeti – 2024 jıl
1 avgust esaplanadı; - xalq deputatları rayon (qala) Keńesleri hám de Qaraqalpaqstan Respublikası Joqarǵı Keńesiniń qararları tiyisli ádillik organında huqıqıy ekspertizadan ótkerilgeninen keyin qabıl etiledi hám rásmiy túrde daǵaza etilgeninen keyin kúshke kiredi.
B.B.Ikmetullaev
Kegeyli rayonı
Ádillik bólimi bas máslahatshisi
