XALIQ DEPUTATLARI KEGEYLI RAYONLIQ KEŇESI SHESHIMI: Босап қалған орынларға Халық депутатлары Кегейли районлық Кеңеси депутатлары сайлаўын өткериў күнин белгилеў ҳаққында.

10.10.2023 15:15:16 77 Баспаға шығарыў

Өзбекстан Республикасы «Сайлаў кодекси»ниң 93-статьясы, Қарақалпақстан Республикасының «Сайлаў ҳаққында»ғы Нызамының                    74-статьясы ҳәмде Өзбекстан  Республикасының  «Жергиликли мәмлекетлик ҳәкимият ҳаққында»ғы Нызамының 6, 24-статьяларына муўапық Халық депутатлары Кегейли районлық Кеңеси

 

Ш Е Ш И М    Е Т Е Д И:

 

  1. Халық депутатлары Кегейли районлық Кеңесине 3-Жамбыл, 7-Дарўаза қум, 8-Қумшунгил, 9-Нөкис, 10-Пахта пункт сайлаў округлеринен босап қалған орынларға районлық Кеңес депутатлары сайлаўын өткериў                2023-жылдың 5-ноябрь, екшемби  күнине  белгиленсин.
  2. Сайлаўды өткериў менен байланыслы барлық илажлар районлық сайлаў комиссиясы тәрепинен Өзбекстан Республикасы Сайлаў кодексине муўапық әмелге асырылсын.
  3. Халық депутатлары Кегейли районлық Кеңесине босап қалған орынларға депутат сайлаўын өткериў менен байланыслы қәрежетлер жергиликли бюджет есабынан әмелге асырылсын.
  4. Сайлаў өткериў менен байланыслы сарпланатуғын қәрежетлер сметасы усы шешимге қосымшаға муўапық тастыйықлансын.
  5. Кегейли районы ҳәкимлиги (А.Камалов), Кегейли районы экономика ҳәм финанс бөлими (Ш.Караматдинов) босап қалған орынларға депутат сайлаўын өткериў ушын қәрежетлер сметасы тийкарында қаржы ажыратылыўын тәмийинлесин ҳәм мақсетли пайдаланыў үстинен қадағалаў орнатсын.
  6. Усы шешим районлық сайлаў комиссиясына ҳәм сиясий партиялардың районлық шөлкемлерине жиберилсин.

7. Усы шешим район ҳәкимлигиниң рәсмий веб-сайтында жәриялансын.

10.10.2023 15:15:16 78