Сессияға Халық депутатлары Кегейли районлық Кеӊеси депутатлары, район ҳәкиминиң орынбасарлары, мәкеме, кәрхана, шөлкемлердиң басшылары, пуқаралар жыйынлары баслықлары, мәҳәллелердеги ҳәким жәрдемшилери ҳәм ғалаба хабар қураллары ўәкиллери қатнасты.
Сессия күн тәртибинде:
– Өзбекстан Республикасы Президентиниң Кегейли районындағы Халық қабыллаўханасының мәҳәллелердеги ҳәким жәрдемшилери тәрепинен әмелге асырылып атырған жумыслар ҳәмде секторлар ҳәм пуқаралар жыйынларында мүрәжатлар менен ислесиў жумысларының барысы туўралы мәлимлемеси ҳаққында.
– Кегейли районы ишки ислер бөлими баслығы орынбасарының район аймағында ҳуқықбузарлықлардың алдын алыў ҳәм олардың профилактикасы жағдайлары бойынша есабаты ҳаққында.
– Кегейли районы экономика тараўлары, социаллық тараў объектлери ҳәм кѳп квартиралы үй-жай фондын 2023-2024 жыллардың гүз-қыс мәўсимине таярлаўды тәмийинлеў бойынша әмелге асырылып атырған жумыслардыӊ барысы ҳаққында.
– Көп қабатлы турақ жайларда коммунал хызмет көрсетиў жумысларын жақсылаў, көшелерди жақтыландырыў, мәҳәллелерди абаданластырыў ҳәм қәбиристанлардың абаданлығы бойынша әмелге асырылып атырған жумыслар ҳаққында.
– Кегейли районы ишки ислер бөлими жол ҳәрекети қәўипсизлиги бөлиминиң 2023 жылдың 8 айы даўамында әмелге асырылған жумыслары туўралы есабаты ҳаққында.
– Аймақларда қоршаған орталықты қорғаў бойынша әмелге асырылып атырған жумыслары туўралы Кегейли районы экологоя ҳәм қоршаған орталықты қорғаў бөлими баслығының есабаты ҳаққында.
– Өзбекстан Республикасының «Реклама ҳаққында»ғы ҳәмде Қарақалпақстан Республикасының “Мәмлекетлик тил ҳаққында”ғы Нызамлары талапларының район аймағында орынланыўын тәмийинлеў бойынша әмелге асырылып атырған жумысларының барысы ҳаққында.
– Аймақларды социаллық–экономикалық раўажландырыўға қаратылған жәмийетшилик пикири тийкарында қәлиплестирилген ҳәм даўыс бериў нәтийжелери менен таңлап алынған илажларды қаржыландырыў ҳаққында.
– Кегейли районы ҳәкимлигинде нызамшылық ҳүжжетлериниң өз ўақтында орынланыўын тәмийинлеў бойынша атқарыўшылық интизамының аўҳалы ҳаққында.
– «Темир дәптери» дизиминде турған ҳәмде жәрдемге мүтәж шаңарақларды социаллық жақтан қоллап-қуўатлаў илажлары ҳаққында.
– Халық депутатлары Кегейли районлық Кеңесиниң ўәкиллигине киретуғын басқа да мәселелер.
Күн тәртибинде кɵрип шығылған барлық мәселелер бойынша пикир-усыныслар тыңланып, тийисли шешимлер қабыл етилди.
Кегейли районы ҳәкимлиги Мәлимлеме хызмети
