ХАЛЫҚ ДЕПУТАТЛАРЫ КЕГЕЙЛИ РАЙОНЛЫҚ КЕҢЕСИНИҢ ШЕШИМИ: Аўылларда ҳәм мәҳәллелерде халықты ишимлик суўы менен тәмийинлеў бойынша әмелге асырылып атырған жумыслар ҳәм оларды жақсылаў илажлары ҳаққында.

11.07.2023 09:09:17 87 Баспаға шығарыў

Аўылларда ҳәм мәҳәллелерде халықты ишимлик суўы менен тәмийинлеў бойынша әмелге асырылып атырған  жумыслар ҳәм оларды жақсылаў илажлары ҳаққындағы мәселени қарап шығып ҳәм “Жергиликли мәмлекетлик ҳәкимият ҳаққында”ғы Қарақалпақстан Республикасы нызамының 21-статьясына муўапық Халық депутатлары Кегейли районлық Кеңеси

 

Ш Е Ш И М   Е Т Е Д И:

 

  1. “Қарақалпақ суў тәмийнаты” жуўапкершилиги шекленген жәмийети Кегейли районлық бөлими инженер технологи Б.Амангелдиевтың аўылларда ҳәм мәҳәллелерде халықты ишимлик суўы менен тәмийинлеў бойынша әмелге асырылып атырған жумыслар ҳәм оларды жақсылаў илажларыбойынша әмелге асырып атырған жумыслары туўралы есабаты мағлыўмат ушын қабыл етилсин.
  2. Район ҳәкиминиң орынбасары (Қ.Атамуратов), “Қарақалпақ суў тәмийнаты” жуўапкершилиги шекленген жәмийети Кегейли районы бөлими (А.Таўбаев), тийисли мекеме, кәрхана ҳәм шөлкемлер менен биргеликте;

– аўылларда ҳәм мәҳәллелерде халықты ишимлик суўы менен тәмийинлениў дәрежесин асырыў ҳәм оның сапасын жақсылаў бойынша зәрүр илажлар белгилесин;

-ишимлик суўы менен тәмийинлеў системасындағы анықланған кемшиликлер, халық тәрепинен билдирилип атырған машқалалар ҳәм усынысларды үйренип шығыў ҳәм сапластырыў илажларын көрсин;

– оңлаў, қайта реконструкция жумыслары талап етилетуғын ишимлик суўы тармақлары ҳәм объектлерин белгиленген бағдарламалар шеңберинде сапалы оңлаў жумысларын жүргизиў;

-тутыныўшыларға жеткерип берилген ишимлик суўы бойынша төлемлерди белгиленген тәртипте ҳәм өз ўақтында өндириўлерин тәмийинлеў;

– район аймағындағы орайластырылған ишимлик суўы менен толық тәмийинленбеген ҳәм улыўма тәмийинленбеген  аймақларды 2022-2026 жылларда ишимлик суўы менен толық тәмийинлеў бойынша қабыл етилген бағдарламаның өз ўақтында орынланыўын тәмийинлеў бойынша турақлы түрде зәрүр илажларды әмелге асырып барсын.

  1. “Қарақалпақ суў тәмийнаты” жуўапкершилиги шекленген жәмийети Кегейли районлық бөлими (А.Таўбаев) усы шешимниң орынланыўын тәмийинлеў бойынша әмелге асырылып атырған жумыслар ҳаққында 2023 жылдың 1-октябрь сәнесине Халық депутатлары Кегейли районлық Кеңесине жазба мағлыўмат бериўге миннетленсин.
  2. Кегейли районы санитария-эпидемиологиялық тынышлық ҳәм жәмийет саламатлығы бөлими (Г.Наўбетуллаева) ҳәмде Кегейли районы тутыныўшылардың ҳуқықларын қорғаў жәмийети (П.Адильчаев) “Қарақалпақ суў тәмийнаты” жуўапкершилиги шекленген жәмийети Кегейли районы бөлими тәрепинен халыққа жеткерип берилип атырған ишимлик суўының сыпаты, стандартлар ҳәм талапларға жуўап бериўи үстинен турақлы түрде мониторинг алып барсын ҳәм қадағалаў орнатсын.

5.Усы шешимниң орынланыў барысын қадағалаў Халық депутатлары Кегейли районлық Кеңесиниң санаат, транспорт, қурылыс, коммуналлықтараў ҳәм халыққа хызмет көрсетиў мәселелери бойынша турақлы комиссиясына жүкленсин.

 

11.07.2023 09:09:17 88