JAŃA QURILISLARDA QÁWIPSIZLIKKE ÁMEL QILAYIQ!

27.06.2023 16:06:22 131 Баспаға шығарыў

Respublikamız aymaǵında úlken kólemli qurılıs jumısları alıp barılıp,   sawda-satıq tarmaqları rawajlandırılıp, xalıqqa mádeniy xizmet kórsetiw ámelge asırılmaqta. Bunda ekonomikalıq tarawlardıń basqıshpa-basqısh ámelge asırılıp kelingenligi, jeke múlkshiliktiń rawajlanıwına keń jol ashılǵanlıǵi ahmiyetli orın iyeleydi. Usı rawajlanıwda jańadan salınıp atırǵan jańa qurılıs jumıslarıda úlken ahmiyetke iye. Házirgi kunde rayonımız aymaǵınan jańadan salınıp atırǵan kóp qabatlı hám jeke tártiptegi turaq jaylar, sociallıq taraw imáratlarında órt qáwipsizligi qaǵıydaları hám normalarına itibar beriwdi barlıq iskerlik kórsetiwshi puqaralar dıqqatımızǵa alıwımız tiyis. “Órt tilsiz jaw” dep aytılıwı biykarǵa emes. Sol sebepli jańa qurılıs jumısların alıp barıwda Ayrıqsha jaǵdaylar bólimi xizmetkerleri tárepinen órt qáwipsizligi talapları buzılıwınıń aldın alıw maqsetinde profilaktik jumıslar alıp barılmaqta. Ózbekstan Respublikasında hárekette bolǵan barlıq túrdegi normativ hújjetlerge, Órt qáwipsizligi qaǵıydaları hám normalarına (PUE, QMQ, SHNQ) tiykarlanıp salınıp atırǵan bul imáratlar elimiz xizmetinde kóp jıllar dawamında puqaralarǵa járdemshi bolar degen úmittemiz. Mámleketimizdiń rawajlanıwı jolında qanshama qurılıslardıń salınıp atırǵanlıǵı hám olarda órt qáwipsizligin támiyinlewde zamanagóy asbab-úskeneler ornatılıp atırǵanlıǵıda bizler ushın úlken bir jetiskenliklerdiń biri bolıp esaplanadı.

Xúrmetli puqaralar hám qurılısshılar!  Barlıǵıńızdan ayrıqsha jaǵdaylardıń aldın alıwǵa hám órt qáwipsizligi talaplarına ámel etiwge shaqırıp qalamız.

 

Kegeyli rayonı Ayrıqsha jaǵdaylar bólimi

27.06.2023 16:06:22 132