ХАЛЫҚ ДЕПУТАТЛАРЫ КЕГЕЙЛИ РАЙОНЛЫҚ КЕҢЕСИНИҢ ШЕШИМИ: Өзбекстан Республикасы Президентиниң 2020 жыл 11 ноябрьдеги “2020–2023 жылларда Қарақалпақстан Республикасын комплекс социаллық-экономикалық раўажландырыў илажлары ҳаққында”ғы ПҚ-4889-санлы қарарының орынланыў барысы ҳаққында

24.06.2023 10:26:58 103 Баспаға шығарыў

Кегейли районы ҳәкимлиги тәрепинен Өзбекстан Республикасы Президентиниң 2020 жыл  11-ноябрьдеги “2020–2023 жылларда Қарақалпақстан Республикасын комплекс социаллық-экономикалық раўажландырыў илажлары ҳаққында”ғы ПҚ-4889-санлы қарары тийкарында районда инвестиция жойбарларын әмелге асырыў  бойынша алып барылып атырған жумыслардың барысы ҳаққындағы мәселени қарап шығып ҳәмде «Жергиликли мәмлекетлик ҳәкимият ҳаққында»ғы Қарақалпақстан Республикасы Нызамының                                21-статьясына муўапық Халық депутатлары Кегейли районлық Кеңеси

 

Ш Е Ш И М  Е Т Е Д И:

 

  1. Кегейли районы ҳакиминиң орынбасары-инвестиция ҳәм сыртқы саўда бөлими баслығы А.Аманбаевтың Кегейли районы ҳәкимлиги тәрепинен Өзбекстан Республикасы Президентиниң 2020 жыл 11 ноябрьдеги “2020–2023 жылларда Қарақалпақстан Республикасын комплекс социаллық-экономикалық раўажландырыў илажлары ҳаққында”ғы ПҚ-4889-санлы қарары тийкарында районда инвестиция жойбарларының орынланыўы бойынша әмелге асырылып атырған жумысларының барысы туўралы есабаты мағлыўмат ушын қабыл етилсин.
  2. Кегейли районы ҳәкиминиң орынбасары (А. Аманбаев) тийисли тараў басшылары менен биргеликте:

– 2020-2023 жылларда Қарақалпақстан Республикасын комплекс социаллық-экономикалық раўажландырыў бағдарламасында белгиленген Кегейли районы бойынша инвестиция жойбарларының 2023-жыл ушын белгиленген мүддетлеринде иске түсирилиўин тәмийинлеў бойынша зәрүр илажлар белгилесин ҳәм үшинши шеректиң жуўмағы менен бул мәселе Халық депутатлары Кегейли районлық Кеңесиниң сессиясында қайта көрип шығылсын.

– жойбар басламашылары менен бирге белгиленген жойбардың орынланыўы бойынша исленип атырған жумыслардың барысын турақлы түрде  талқылап, пайда болып атырған машқалалардың тез мүддетте шешилиўин тәмийинлеў;

– район аймағындағы экономикалық өсиў дәрежеси аўыр аймақларда инвестиция жойбарларын әмелге асырыў арқалы халықтың бәнтлигин тәмийинлеў ўазыйпалары жүкленсин.

– халық арасында пуқараларды исбилерменликке тартыў бойынша                  үгит-нәсиятлаў ҳәм түсиник жумысларын алып барыў;

– хызмет көрсетиў тараўын раўажландырыў, аўыл хожалығы, шарўашылық өнимлерин жетистириў ҳәм қайта ислеў ҳәмде басқа да ислеп шығарыўға байланыслы жаңа жойбарларды шөлкемлестириў тапсырылсын.

  1. Халық депутатлары Кегейли районлық Кеңеси депутатлары Өзбекстан Республикасы Президентиниң 2020 жыл 11 ноябрьдеги ПҚ-4889-санлы қарары тийкарында аймақларда инвестиция жойбарларының орынланыўы үстинен қатаң депутатлық қадағалаўын орнатсын.
  2. Усы шешимниң орынланыўын қадағалаў район ҳәкиминиң орынбасарыларына (М.Ниязов, Қ.Атамуратов, А.Аманбаев) ҳәм Халық депутатлары Кегейли районлық Кеңесиниң тийисли турақлы комиссияларына жүкленсин.
24.06.2023 10:26:58 104