ХАЛЫҚ ДЕПУТАТЛАРЫ КЕГЕЙЛИ РАЙОНЛЫҚ КЕҢЕСИНИҢ ШЕШИМИ:Халық депутатлары Кегейли районлық Кеңесиниң 2023-жыл 21-февральдағы “Кегейли районының дүзилгенлигиниң 95 жыллығын нышанлаўға таярлық көриў ҳәм оны жоқары дәрежеде өткериў илажлары ҳаққында”ғы VI-67-29-13-184-К/23 -санлы шешимине қосымшалар ҳәм өзгерислер киргизиў ҳаққында.

04.04.2023 19:20:38 92 Баспаға шығарыў

Быйылғы жылы Кегейли районының дүзилгенлигине 95 жыл толыў менен бирге районымыз аймағындағы тарийхый әҳмийетке ийе болған, келип шығыўы “Ийшан қала” қорғаны менен байланыслы  “Халқабад” елатының қәлиплескенлигине 105 жыл толады.

Усы мүнәсибет пенен бул сәнени мүнәсип нышанлаў бойынша пуқаралар тәрепинен усыныслар болмақта.

Кегейли районының дүзилгенлигиниң 95 жыллығын ҳәмде “Халқабад” елатының қәлиплескенлигиниң 105 жыллығын нышанлаўға таярлық көриў ҳәм оны жоқары дәрежеде өткериў мақсетинде ҳәм “Жергиликли мәмлекетлик ҳәкимият ҳаққында”ғы Өзбекстан Республикасының 6, 24 статьяларына муўапық Халық депутатлары Кегейли районлық Кеңеси

 

Ш Е Ш И М   Е Т Е Д И :

  1. Быйылғы жылы районымыз аймағындағы тарийхый әҳмийетке ийе болған, келип шығыўы “Ийшан қала” қорғаны менен байланыслы “Халқабад” елатының қәлиплескенине 105 жыл толыўы мүнәсибети менен бул сәнени мүнәсип нышанлаў бойынша район ҳәқимлигиниң усынысы мақуллансын.
  2. Кегейли районының дүзилгенлигиниң 95 жыллығын кең түрде нышанлаў менен бирге “Халқабад” елатының қәлиплескенлигиниң 105 жыллығы кең түрде нышанлансын ҳәм байрам илажлары 2023 жылдың ноябрь айында өткерилиўи белгиленсин.
  3. Кегейли районы ҳәкимлиги (М.Ниязов, З.Мамбеткаримов), районлық мәҳәлле ҳәм нуранийларды қоллап-қуўатлаў бөлими (Т.Давлетов), районлық мәденият бөлими (С.Хожанов), республика руўхыйлық ҳәм ағартыўшылық орайы районлық бөлими (Б.Матеков) тийисли шөлкемлер менен биргеликте Кегейли районы “Халқабад” елатының қәлиплескенлигиниң 105 жыллығын нышанлаўға қаратылған руўхый-ағартыўшылық ис-илажлар режесин ислеп шықсын ҳәм ис-илажлар режесинде белгиленген ўазыйпалардың орынланыўы бойынша турақлы қадағалаў орнатсын.
  4. Усы шешимниң орынланыўын қадағалаў район ҳәкиминиң тараўлар бойынша орынбасарларына ҳәм Халық депутатлары Кегейли районлық Кеңесиниң турақлы комиссияларына жүкленсин.

 

04.04.2023 19:20:38 93