KIMLER MÁMLEKETLIK PUQARALÍQ XÍZMETKERLERI BOLÍP ESAPLANADÍ?

30.03.2023 14:24:49 154 Баспаға шығарыў

Mámleketlik organ hám mámleketlik shólkemlerindegi xızmetkerler mámleketlik puqaralıq xızmetkerleri bolıp tabıladı. Biraq, hámme xızmetkerler de mámleketlik puqaralıq xızmetkerleri bolmaydı.

“Mámleket puqaralıq xızmeti haqqında”ǵı nızamnıń 4-statyasına tiykarlanıp,  mámleket puqaralıq xızmeti lawazımlarınıń mámleket reestriga kiritilgen lawazımlarda isleytuǵın xızmetkerler ǵana mámleket puqaralıq xızmetkerleri bolıp tabıladı. Yaǵnıy,  bul jerde bólek mámleket reestrine (yaǵnıy arnawlı kestege) kiritilgen lawazımlardaǵı xızmetkerler túsiniledi.

Bul reestr barma hám ol kim tárepinen tastıyıqlanadi?

Reestr házirshe joq. Biraq jańa Nızamnıń 22-statyasına tiykarlanıp mámleket puqaralıq xızmeti lawazımlarınıń mámleketlik reestri Prezident tárepinen tastıyıqlanıwı kórsetilgen.

“Mámleket puqaralıq xızmeti haqqında”ǵı Nızamnıń 3-statyasına qarap sonday mámleket xızmetkerleri bar,  eger olar mámleket organı quramında bolsada,  olarǵa bul nızamdaǵı mámleket puqaralıq xızmetkerleri statusı qollanbaydı,  bular :

Ózbekstan Respublikası Prezidenti, Oliy Majlis deputatları hám senatorlar,  Qaraqalpaqstan Respublikası Joqarǵı Keńesi hámde jergilikli mámleket hákimiyatı wákillik organları deputatları,  Oliy Majlis Nızamshılıq palatası hám Senatı Apparatı xızmetkerleri,  Oraylıq saylaw komissiyası aǵzaları,  sudyalar hám sud sisteması xızmetkerleri,  Oraylıq bank basqarması aǵzaları,  prokuratura,  ishki isler,  qorǵanıw jumısları,  ayrıqsha jaǵdaylar,  Milliy gvardiya,  Mámleket bajıxana xızmeti,  MXX,  Prezident qáwipsizlik xızmeti organlarında islep atırǵan xızmetkerler,  usınıń menen birge áskeriy xizmetkerler bolıp tabıladı.

Bunnan tısqarı,  mámleketlik organlarınıń texnikalıq,  islep shıǵarıw hám xızmet kórsetiw xızmetkerlerine de bul Nızamdaǵı mámleket puqaralıq xızmetkerleri sıpatında qaralmaydi.

Mámleket shólkemleri hám mámleket shólkemleriniń (ministrlikler, mámleketlik komitetleri,  mámleketlik mekemeleri hám basqalarınıń) arnawlı mámleketlik reestrine kirgen lawazımlarda isleytuǵın xızmetkerleri ǵana mámleketlik puqaralıq xızmetkerleri bola aladı.

 

B.B.Ikmetullaev

Kegeyli rayonı

ádillik bólimi baslıǵı w.w.a.                                                            

30.03.2023 14:24:49 155