ХАЛЫҚ ДЕПУТАТЛАРЫ КЕГЕЙЛИ РАЙОНЛЫҚ КЕҢЕСИНИҢ ШЕШИМИ:2023-жылда Кегейли районын социаллық-экономикалық раўажландырыў, халықтың дараматларын асырыў ҳәм исбилерменликти раўажландырыў бойынша әмелге асырылатуғын ис-илажларының “Жол карта”сын тастыйықлаў ҳаққында.

22.02.2023 12:09:08 187 Баспаға шығарыў

Өзбекстан Республикасы Президентиниң 2022-жыл 28-январьдағы “2022-2026-жылларға мөлшерленген Жаңа Өзбекстанның раўажланыў стратегиясы ҳаққында”ғы ПФ-60-санлы Пәрманы ҳәм Өзбекстан Республикасы Президенти Админстрациясының 2022-жыл 2-декабрьдеги АФ-72-санлы бийлигиниң орынланыўын тәмийинлеў мақсетинде 2023-жылда Кегейли районын социаллық-экономикалық раўажландырыў, халықтың дараматларын асырыў ҳәм исбилерменликти раўажландырыў бойынша әмелге асырылатуғын ис-илажларының  “Жол карта”сын тастыйықлаў ҳаққындағы мәселени қарап шығып ҳәмде Қарақалпақстан Республикасының «Жергиликли мәмлекетлик ҳәкимият ҳаққында»ғы Нызамының 21-статьясына муўапық Халық депутатлары Кегейли районлық Кеңеси

 

Ш Е Ш И М   Е Т Е Д И:

 

  1. Кегейли районы экономикалық раўажландырыў ҳәм кәмбағаллықты қысқарттырыў бөлими баслығы орынбасары Қ.Алланазаровтың 2023-жылда Кегейли районын социаллық-экономикалық раўажландырыў, халықтың дараматларын асырыў ҳәм исбилерменликти раўажландырыў бойынша әмелге асырылатуғын ис-илажларының “Жол карта”сын тастыйықлаў ҳаққындағы мәлимлемеси мағлыўмат ушын қабыл етилсин.
  2. Өзбекстан Республикасы Президентиниң 2022-жыл 28-январьдағы “2022-2026-жылларға мөлшерленген Жаңа Өзбекстанның раўажланыў стратегиясы ҳаққында”ғы ПФ-60-санлы Пәрманы ҳәм Өзбекстан Республикасы Президенти Админстрациясының 2022-жыл 2-декабрьдеги АФ-72-санлы бийлигиниң орынланыўын тәмийинлеў бойынша 2023-жылда Кегейли районын социаллық-экономикалық раўажландырыў, халықтың дараматларын асырыў ҳәм исбилерменликти раўажландырыў бойынша әмелге асырылатуғын ис-илажларының “Жол карта”сы 1-қосымшаға муўапық тастыйықлансын.
  3. Кегейли районы ҳәкимлиги (М. Ниязов, А.Аманбаев, П.Өтениязов, И.Абылбаев, Қ.Атамуратов), шаңарақ ҳәм ҳаял-қызлар бөлими (Г.Хожамбергенова) тийисли тараў басшылары менен биргеликте:

– 2023-жылда Кегейли районын социаллық-экономикалық раўажландырыў, халықтың дараматларын асырыў ҳәм исбилерменликти раўажландырыў бойынша әмелге асырылатуғын ис-илажларының “Жол карта”сында белгиленген ўазыйпалардың өз мүддетинде ҳәм сапалы орынланыўын тәмийинлесин;

-“Жол карта”да белгиленген ўазыйпалардың ѳз ўақтында ҳәм сапалы орынланыўын тәмийинлеўге тийисли тараў басшыларының жеке жуўапкер екенлиги белгилеп қойылсын;

– ҳәр шеректе “Жол карта”да белгиленген ўазыйпалардың орынланыўы бойынша Халық депутатлары Кегейли районлық Кеңеси сессияларында есабат берип барыў тапсырылсын.

  1. Халық депутатлары Кегейли районлық Кеңесинин депутатлары “Жол карта”да белгиленген ўазыйпалардың орынланыўы үстинен турақлы түрде депутатлық қадағалаўын алып барсын.
  2. 2023-жылда Кегейли районын социаллық-экономикалық раўажландырыў, халықтың дараматларын асырыў ҳәм исбилерменликти раўажландырыў бойынша әмелге асырылатуғын ис-илажларының “Жол карта”сында белгиленген ўазыйпалардың орынланыўы бойынша әмелге асырылып атырған жумыслардың барысы туўралы материаллар ғалаба хабар қураллары ҳәм социаллық тармақларда (Е.Мухамбетов, Н.Даўенова) кең түрде жарытып барылсын.
  3. Усы шешимниң орынланыўын қадағалаў халық депутатлары Кегейли районлық Кеңесиниң турақлы комиссиялары ҳәм Кегейли районы ҳәкиминиң биринши орынбасары М.Ниязовқа жүкленсин.
22.02.2023 12:09:08 188