Өзбекстан Республикасы Президентиниң Кегейли районындағы Халық қабыллаўханасы тәрепинен комплекс раўажландырыў, сондай-ақ, халықты тәшўишке салып атырған машқалалар ҳәм кемшиликлерди сапластырыў бойынша ўазыйпалардың орынланыўы барысында депутатлық ҳәм жәмийетшилик қадағалаўды тәмийинлеў бойынша есабатын еситип, билдирилген пикир ҳәм усынысларға тийкар, Халық депутатлары Кегейли районлық Кеңеси
Ш Е Ш И М Е Т Е Д И :
- Кегейли районы Халық қабыллаўханасы баслығы Арзымбетов Мурат Утамбетовичтиң Кегейли районын комплекс раўажландырыў, сондай-ақ, халықты тәшўишке салып атырған машқалалар ҳәм кемшиликлерди сапластырыў бойынша ўазыйпалардың орынланыўы барысында депутатлық ҳәм жәмийетшилик қадағалаўды тәмийинлеў бойынша есабаты мағлыўмат ушын қабыл етилсин.
- Райондағы сектор басшылары (Д.Утемуратов, А.Бекимбетов, И.Салиев, С.Даулетбаев) Өзбекстан Республикасы Президенти Ш.М.Мирзиёев тәрепинен илгери сүрилген 5 баслама бойынша белгиленген тапсырмаларды жуўапкер болған мәкеме ҳәм кәрхана басшылары менен биргеликте сыпатлы орынланыўын тәмийинлесин ҳәм жеке жуўапкершилиги белгилеп қойылсын.
- Халық депутатлары районлық Кеңес депутатлары сектор басшылары тәрепинен өткерилген ҳәр бир «Көшпели қабыллаў»ларды өткериўде ҳәм қабыллаў даўамында пуқаралар тәрепинен келип түскен машқалалы мәселелерди сапластырыўда белсене қатнасыўын тәмийинлесин.
- 4. Усы қарардың орынланыўын қадағалаў Халық депутатлары Кегейли районлық Кеңесиниң турақлы комиссия баслықларына жүклетилсин.
