Өзбекстан Республикасы Министрлер Кабинетиниң 2022-жыл 31-марттағы “Ҳаял-қызлар машқалаларын үйрениў ҳәм шешиў системасын жәнеде жеделлестириў ис-илажлары ҳаққында”ғы 145-санлы Қарарына муўапық Қәўендерлик кеңесиниң “Ҳаяллар дәптери” жамғармасының дараматлары ҳәм ғәрежетлери бөлегиниң орынланыўы бойынша есабаты ҳаққындағы мәселени қарап шығып ҳәмде «Жергиликли мәмлекетлик ҳәкимият ҳаққында»ғы Қарақалпақстан Республикасы Нызамының 21-статьясына муўапық Халық депутатлары Кегейли районлық районлық Кеңеси
ШЕШИМ ЕТЕДИ:
- “Ҳаяллар дәптери” жамғармасының дараматлары ҳәм ғәрежетлери бөлегиниң орынланыўы бойынша Қәўендерлик кеңеси баслығы Г.Хожамбергенованың есабаты мағлыўмат ушын кабыл етилсин.
- Кегейли районы ҳәкиминиң орынбасары- шаңарақ ҳәм ҳаял-қызлар бөлими баслығы ўазыйпасын атқарыўшы, “Ҳаяллар дәптери” жамғармасы Қәўендерлик кеңеси баслығы (Г.Хожамбергенова):
– “Ҳаяллар дәптери” жамғармасы қаржыларын белгиленген тәртипте мақсетли ҳәм мәнзилли сарпланыўы бойынша жеке жуўапкер екенлиги белгилеп қойылсын;
– “Ҳаяллар дәптери” жамғармасы дәраматлары ҳәм қарежетлери жыллық параметрлериниң мәҳәллелердеги ҳәким жәрдемшилериниң усыныслары тийкарында ҳәр бир мәҳәлле кесиминде бөлистирилиўин тәмийинлесин;
– “Ҳаяллар дәптери” жамғармасы қаржыларынан пайдаланыўда ҳәм бөлистирилиўинде әдиллик принциплерине әмел қылған ҳалда ашықлық ҳәм әшкаралықты тәмийинлесин.
- Қаўендерлик кеңеси баслығының ҳәр айда Халық депутатлары районлық Кеңеси сессияларында “Ҳаяллар дәптери” жамғармасы дараматлары ҳәм ғәрежетлериниң орынланыўы бойынша есабат берип барыўы белгилеп қойылсын.
- Усы шешимниң орынланыў барысын қадағалаў Халық депутатлары Кегейли районлық Кеңесиниң билимлендириў, ден саўлықты сақлаў, мәденият, спорт, социаллық қорғаў, жаслар сиясаты, ҳаял-қызлар ҳәм гендер теңлик мәселелери бойынша турақлы комиссиясына жүкленсин.
