ХАЛЫҚ ДЕПУТАТЛАРЫ КЕГЕЙЛИ РАЙОНЛЫҚ КЕҢЕСИ ШЕШИМИ: Кегейли районы аймағында жәмийетлик қәўипсизликти тәмийинлеў бойынша алып барып атырған жумыслардың нәтийжелери ҳәм аймақларда жүз берген аўыр түрдеги жынайый аўҳаллары ҳаққында.

03.02.2023 17:23:30 198 Баспаға шығарыў

Өзбекстан Республикасы Президентиниң 2018-жыл 24-декабрьдеги “Жәмийетлик қәўипсизликти тәмийинлеў нәтийжелилигин асырыў бойынша қосымша ис-иләжлар ҳаққында”ғы ПҚ-4075-санлы қарарының орынланыўын тәмийинлеў мақсетинде ҳәмде «Жергиликли мәмлекетлик ҳәкимият ҳаққында»ғы Қарақалпақстан Республикасы Нызамының 21-статьясына муўапық халық депутатлары Кегейли районлық  районлық Кеңеси

 

ШЕШИМ ЕТЕДИ:

 

  1. Кегейли районы аймағында жәмийетлик қәўипсизликти тәмийинлеў бойынша алып барып атырған жумыслардың нәтийжелери ҳәм аймақларда жүз берген аўыр түрдеги жынайый аўҳаллары ҳаққындағы мәселе бойынша Кегейли районлық ишки ислер бөлими баслығының орынбасары-жәмийет қәўипсизлиги хызмети баслығы А.Ситановтың мәлимлемеси мағлыўмат ушын қабыл етилсин.
  2. Кегейли районы “Нурлы бостан” (А.Қазақбаева), “Бахытлы” (Б.Бекмуратов), “Гүжим терек” (Б.Джумамуратов), “Абат мәкан” (Д.Мадрейимов) мәҳәлле пуқаралар жыйынлары ҳәм “Жүзим бағ” (Б.Бекбаўлиев), “Ақтуба” (А.Баймуратов), “Қумшунгул” (Ж.Абдиев)  пуқаралар жыйынлары аймақларында   жынаятлар санының өсип кеткенлиги, нәтийжеде “қызыл” аймаққа киритилгенлиги өткир сынға алынсын, жынаятшылықтың ҳәм ҳуқықбузарлықлардың алдын алыў, орын алып атырған кемшиликлерди сапластырыў бойынша айқын ис-илажлар белгилесин ҳәм оның орынланыўы бойынша 2023-жыл биринши шереги жуўмағы менен Халық депутатлары Кегейли районлық Кеңесине мағлыўмат бериў тапсырылсын.
  3. Кегейли районлық ишки ислер бөлими (Н.Адилбеков) районлық мәҳәлле ҳәм нуранийларды қоллап куўатлаў бөлими (Т.Давлетов), районлық шаңарақ ҳәм ҳаял-қызлар бөлими (Г.Хожамбергенова), Жаслар ислери агентлиги районлық бөлими (А.Төремуратов), районлық билимлендириў бөлими (Қ.Бекимбетов) ҳәмде пуқаралар жыйынлары менен биргеликте:

– жаслар ҳәм жас өспиримлер арасында ҳуқықбузарлық ҳәм жынаятшылықтың алдын алыў бойынша профилактикалық илажлар алып барыў;

– жаслардың сиясий белсендилигин ҳәм ҳуқықый мәдениятын асырыўға қаратылған зәрүр илажларды белгилеў ҳәм әмелге асырыў;

– жынаятшылыққа қарсы гүресиў, олардың себеплери ҳәм оған имканият жаратып берип атырған шәрт-шараятларды анықлаў ҳәм де сапластырыў;

– жынаятшылық ҳәм ҳуқықбузарлықлардың алдын алыў, жәмийетте ҳуқықый саўатханлық ҳәм ҳуқықый мәдениятты жетилистириўге қаратылған үгит-нәсият илажларын шөлкемлестириў;

– жынаятлар дәрежеси өсимине жол қойылып атырған аймақларда тийисли пуқаралар жыйынлары баслықлары ҳәм профилактика инспекторларының жынаятшылықтын алдын алыў бойынша алып барып атырған жумысларын орынларда сын көз қараста талқылап барыў  тапсырылсын.

  1. Кегейли районлық ишки ислер бөлими (Н.Адилбеков) районлық мәҳәлле ҳәм нуранийларды қоллап куўатлаў бөлими (Т.Давлетов), районлық шаңарақ ҳәм ҳаял-қызлар бөлими (Г.Хожамбергенова), Жаслар ислери агентлиги районлық бөлими (А.Төремуратов) ҳәмде пуқаралар жыйынлары менен биргеликте:

– жәмийетлик тәртипти сақлаў, пуқаралар қәўипсизлигин тәмийинлеў, ҳаял-қызлар ҳәмде жаслар арасында  жынаятшылық ҳәм ҳуқықбузарлықтың алдын алыў бойынша турақлы түрде профилактикалық илажларды өткерип  барыў;

  1. Район аймағында жәмийетлик қәўипсизликти тәмийинлеў бойынша исленип атырған жумыслардың нәтийжелери ҳәмде жүз берген аўыр ҳәм оғада аўыр жынайый аўҳаллар ҳәр айда Халық депутатлары районлық Кеңесиниң сессияларында ҳәмде тийисли турақлы комиссия мәжилислеринде талқыланып барылсын.
  2. Усы шешимниң орынланыў барысын қадағалаў Халық депутатлары Кегейли районлық Кеңесиниң Нызамлылықты тәмийинлеў ҳәм коррупцияға қарсы гүресиў мәслелери бойынша комиссиясына жүкленсин.
03.02.2023 17:23:30 199