ХАЛЫҚ ДЕПУТАТЛАРИ КЕГЕЙЛИ РАЙОНЛЫҚ КЕҢЕСИНИҢ ШЕШИМИ : Кегейли районы ҳәкимлиги, секторлар ҳәмде тийисли тараў басшылары тәрепинен ҳаял-қызлар машқалаларын шешиў бойынша әмелге асырылып атырған жумысларының барысы ҳаққында.

20.01.2023 18:07:43 184 Баспаға шығарыў

Өзбекстан Республикасы Президенти Ш.М.Мирзиёев басшылығында
2022-жыл 1-март күни өткерилген “Ҳаял-қызларды ҳәр тәреплеме қоллап-қуўатлаў, олардың жәмийеттеги орнын жәнеде беккемлеў бойынша әҳмийетли ўазыйпалар ҳаққында”ғы 18-санлы Баяннамасында белгиленген ўазыйпалардың орынланыў барысы ҳаққындағы мәселени қарап шығып ҳәмде «Жергиликли мәмлекетлик ҳәкимият ҳаққында»ғы Қарақалпақстан Республикасы Нызамының 21-статьясына муўапық Халық депутатлары Кегейли районлық  районлық Кеңеси

 

ШЕШИМ ЕТЕДИ:

 

  1.   Кегейли районы ҳәкимлиги бас қанигеси Г.Шарибаеваның Кегейли районы ҳәкимлиги, секторлар ҳәмде тийисли тараў басшылары тәрепинен ҳаял-қызлар машқалаларын шешиў бойынша әмелге асырылып атырған жумысларының барысы ҳаққындағы мәселе бойынша есабаты мағлыўмат ушын қабыл етилсин.
  2. Кегейли районы медицина бирлеспеси тәрепинен район көлеминде ҳаял-қызлар машқалаларын шешиў бойынша әмелге асырылып атырған жумысларының барысы ҳаққындағы районлық медицина бирлеспеси баслығы М.Досбергеновтың мәлимлемеси мағлыўмат ушын кабыл етилсин.
  3. Кегейли районы ҳәкимлиги (Г.Хожамбергенова), медицина бирлеспеси (М.Досбергенов):

– бирлемши медицина системасында халыққа әсиресе ҳаял-қызларға көрсетилетуғын медицина хызметлерин түптен жақсылаў, мүтәж ҳаял-қызлардың поликлиникалардағы күндизги емлеўханалар хызмети арқалы шаңарақларынан ажыралмаған ҳалда сыпатлы емлениў имканиятларын жаратыў;

– ҳаял-қызларға көшпели медициналық көриклер өткериўди системалы жолға қойыў, әсиресе бул арқалы кем тәмийинленген шаңарақлар ағзалары ҳәм жәрдемге мүтәж узақ жерлерде жасап атырған шараяты төмен пуқараларға айрықша итибар қаратыў;

 

-аналар ҳәм балалар кеселлениўлериниң алдын алыў, олардың саламатлығын қорғаў, потранаж хызметлери сыпатларын асырыў;

– мүрәжат етип атырған пуқараларға әсиресе ҳаял-қызлар ушын медициналық хызмет көрсетиўди тез ҳәм сыпатлы алып барылыўын тәмийинлеў;

– халықтың медициналық мәдениятын асырыў мақсетинде орынларда турақлы түрде репродуктив саламатлық, кеселликлер профилактикасы, некеден алдыңғы медициналық көриктиң әҳмийети бойынша үгит-нәсиятлаў жумысларын жәнеде күшейттириў бойынша айқын илажлар белгилесин.

  1. Сектор баслықлары (Д.Утемуратов, И.Абдуллаев, Н.Адилбеков, Қ.Қадиров), ҳаял-қызларға сыпатлы медицина хызметин көрсетиў, жумыссыз ҳаял-қызлардың бәнтлигин тәмийинлеў, оларды турақлы дарамат дереги менен тәмийинлеў мақсетинде тийисли тараўлар тәрепинен алып барылып атырған жумыслар барысын турақлы қадағалаўға алсын.
  2. Халық депутатлары Кегейли районлық Кеңеси депутатлары тийисли тараўлар тәрепинен ҳаял-қызларды ҳәр тәреплеме қоллап-қуўатлаў бойынша алып барылып атырған жумыслар барысын турақлы түрде үйренип барсын ҳәмде пайда машқалалар ҳәм усыныслар бойынша гезектеги сессия мәжилислерине усыныслар киргизип барыў тапсырылсын.
  3. Усы шешимниң орынланыў барысын қадағалаў Халық депутатлары Кегейли районлық Кеңесиниң билимлендириў, ден саўлықты сақлаў, мәденият, спорт, социаллық қорғаў, жаслар сиясаты, ҳаял-қызлар ҳәм гендер теңлик мәселелери бойынша турақлы комиссиясына жүкленсин.
20.01.2023 18:07:43 185