Xabarıńız bar, usi jıl 16-mart kúni Prezidentimiz Mámleketlik salıq komitetine barıp, salıq shólkemleri xızmetkerleri menen ushırasıw waqtında isbilermenler menen ushırasıp, olardıń máselelerin úyrenip, salıq nızamshılıg’ındag’ı ózgerisler boyınsha túsindiriwler alıp barıp, zárúr tapsırmalar bergen edi.
Búgingi kúnde de “Salıqshı – isbilermenge járdemshi” principi tiykarında Kegeyli rayonı salıq xızmeti shólkemleri tárepinen isbilermenler aldına barǵan halda olardıń máselelerin úyrenip, kóshpeli salıq máslahátları kórsetilip atır.
Mısal retinde, Kegeyli rayonında jil basinan noyabr ayina shekem 1343 kárxanalardıń máseleleri tolıq úyrenildi hamde salıq tólewshilerge kórsetiletuǵın arnawlı xızmetler dizimi menen
tanıstırılıp, isbilermenlik subektlerinin’ mashqalaları úyrenilip
shıǵıldı.
U’reniw nátiyjesinde 992 salıq uyımlarına baylanıslı bolǵan
máseleler boyınsha mashqalaları bar ekenligi anıqlanıp, tiyisli
ámeliy járdemler kórsetildi.
Sonnan 59 jag’dayda E-ijara da’sturi, 46 jag’dayda E-aktiv da’sturi boyinsha , 111 jag’dayda E-imtiyoz da’sturi boyinsha tu’sinik ma’slaxatlar berildi.
Sonday aq 463 jaǵdayda 704,9 mln.swmlıq basqa salıq túrlerinen
artıqsha tólem swmmaların qaytarıp beriw boyınsha
máseleler sheship berildi.
7 jaǵdayda basqa mekeme hám shólkemlerge tiyisli
mashqalalar barlıǵı anıqlandı. Barliq jag’dayda mashqalalarin unamli sheship beriwde a’meliy ja’rdem berildi.
“Salıqshı isbilermenge kómekshi” principi tiykarında
isbilermenlerdi qollap-quwatlaw boyınsha tiyisli is ilajlar salıq organları tárepinen dawam ettirilmekte.
Kegeyli rayonı mámleketlik salıq organı xizmetkerleri sizlerge Mámleketlik salıq komitetiniń 2021 jıl 11 yanvar kúngi “Salıqshı isbilermenge kómekshi” principi tiykarında
isbilermenlerdi qolap-quwatlaw boyınsha ámelge asırılıwı lazım
bolǵan “Háreketler rejesi” tastıyıqlaw haqqındaǵı 10-sanlı buyrıqqa tiykarlanıp kѳmeklesiw zárúr bolǵan
isbilermenlik subektlerine:
– Tazadan ashılǵan subektler;
– Esabat usınbaǵanlar;
– “Nol” esabat usınǵanlar;
– Tólem ámelge asırmaǵanlar;
– Is haqı esaplamaǵanlar;
– Bank aylanısın ámelge asırmaǵanlar;
– Salıq uyımlarına bir neshe márte múrájat etken salıq
tólewshiler, usı kómekke zárúr bolǵan isbilermenlik subektlerinin mashqalaların úyreniwge hámde olarǵa kómek beriwge hamiyshe tayın.
Kegeyli rayoni Mamleketlik saliq inspeksiyasi baslig’i waqtinsha waziypasin atqariwshi Kadirov G’ayrat
