Кегейли районы медицина бирлеспеси баслығының медицина тараўындағы әмелге асырылып атырған реформалар нәтийжелилиги ҳәм 2022-жыл ақырына шекем әмелге асырылатуғын жумыслары туўралы есабаты ҳаққындағы мәселени қарап шығып ҳәмде «Жергиликли мәмлекетлик ҳәкимият ҳаққында»ғы Қарақалпақстан Республикасы Нызамының 21-статьясына муўапық Халық депутатлары Кегейли районлық Кеңеси
Ш Е Ш И М Е Т Е Д И:
- Кегейли районы медицина бирлеспеси баслығы М. Досбергеновтың
Кегейли районы медицина тараўындағы әмелге асырылып атырған реформалар нәтийжелилиги ҳәм 2022-жыл ақырына шекем әмелге асырылатуғын жумыслары туўралы есабаты мағлыўмат ушын қабыл етилсин. - Районлық медицина бирлеспеси (М.Досбергенов):
-Өзбекстан Республикасы ден саўлықты сақлаў министрлиги ҳәм Қарақалрақстан Республикасы Министрлер Кеңеси тәрепинен тастыйықланған Қарақалпақстан Республикасында медицина системасында 2022-жыл жуўмағына шекем әмелге асырылатуғын ўазыйпалар бойынша тастыйықланған
“жол карта”сында белгиленген ўазыйпалардың сыпатлы ҳәм өз мүддетлеринде орынланыўын тәмийинлеў;
– бирлемши медицина системасында халыққа көрсетилетуғын медицина хызметлерин түптен жақсылаў, мүтәж пуқаралардың поликлиникалардағы күндизги емлеўханалар хызмети арқалы шаңарақларынан ажыралмаған ҳалда сыпатлы емлениў имканиятларын жаратыў;
– көшпели медициналық көриклер өткериўди системалы жолға қойыў, әсиресе бул арқалы кем тәмийинленген шаңарақлар ағзалары ҳәм жәрдемге мүтәж узақ жерлерде жасап атырған шараяты төмен пуқараларға айрықша итибар қаратыў;
-аналар ҳәм балалар кеселлениўлериниң алдын алыў, олардың саламатлығын қорғаў, потранаж хызметлери сыпатларын асырыў;
-тез медициналық жәрдем хызметлерин сыпатлы алып барыў, олардың жумысларының нәтийжелилигин турақлы қадағалаўға алыў;
-медицина хызметкерлериниң халыққа хызмет көрсетиўде коррупциялық
жағдайларға жол қоймаў ҳәм алдын алыў, мүрәжат етип атырған пуқараларға медициналық хызмет көрсетиўди тез ҳәм сыпатлы алып барылыўын тәмийинлеў;
– халықтың медициналық мәдениятын асырыў мақсетинде орынларда турақлы түрде репродуктив саламатлық, кеселликлер профилактикасы, некеден алдыңғы медициналық көриктиң әҳмийети бойынша үгит-нәсиятлаў жумысларын жәнеде күшейттириў;
-медицина хызметлери ҳәм дәри-дәрмақлар ушын ажыратылатуғын қаржылардан мақсетли пайдаланыўды қадағалаў ўазыйпалары белгиленсин.
- Усы шешимниң орынланыў барысын қадағалаў Халық депутатлары Кегейли районлық Кеңесиниң билимлендириў, ден саўлықты сақлаў, мәденият, спорт, социаллық қорғаў, жаслар сиясаты, ҳаял-қызлар ҳәм гендер теңлик мәселелери бойынша турақлы комиссиясы баслығы Б.Искендеровқа жүкленсин.
