ТУРАҚЛЫ КОМИССИЯ МӘЖИЛИСИ БОЛЫП ӨТТИ

19.10.2022 11:49:29 148 Баспаға шығарыў

Белгиленген ис-реже тийкарында Халық депутатлары Кегейли районлық Кеңесиниң Билимлендириў, ден саўлықты сақлаў, мәденият, спорт,  социаллық қорғаў, жаслар сиясаты, ҳаял-қызлар ҳәм гендер теңлик мәселелери бойынша турақлы комиссиясының мәжилиси болып өтти.

Мәжилис күн тәртибинде:

-«Пуқаралардың ѳзин-ѳзи басқарыў уйымлары ҳаққында»ғы Қарақалпақстан Республикасының Нызамы ҳәм тийисли ҳүкиметлик қарарлары талапларының орынланыў барысы ҳаққында.

– Кегейли районы ҳәкимлиги тәрепинен “Сақаўат ҳәм көмек”, “Ҳаяллар дәптери” ҳәм “Жаслар дәптери” жамғармалары қаржыларының қәлиплестирилиўи ҳәм мақсетли жумсалыўы бойынша алып барылып атырған жумысларының барысы туўралы есабаты ҳаққында.

-Кегейли районы ҳәкими орынбасары-шаңарақ ҳәм ҳаял-қызлар бөлими баслығының Өзбекстан Республикасы Олий Мажлиси Сенатының 2021-жыл 28-майдағы “2030-жылға шекем Өзбекстан Республикасында гендер теңликке ерисиў стратегиясын тастыйықлаў ҳаққында”ғы СҚ-297-IV-санлы қарарында белгиленген ўазыйпалардың орынланыўы бойынша мәлимлемеси ҳаққында.

– «Сақаўат ҳәм көмек» жамғармасы қаржылары есабынан жәрдемге мүтәж шаңарақларды социаллық жақтан қоллап-қуўатлаў мақсетинде қаржы ажыратыў ҳаққында.

Мәжилис күн тәртибиндеги мәселелер ҳәр тәреплеме талқыланып Халық депутатлары Кегейли районлық Кеӊесиниӊ гезектеги сессиясына усыныў ҳаққында шешим қабыл етилди.

 

19.10.2022 11:49:29 149