Kegeyli rayonı Mámleketlik xızmetler orayı tárepinen fizikalıq hám yuridikalıq shaxslarǵa 2022-jıldıń 9 ayı dawamında jámi 18 173 mámleketlik xızmetler kórsetilip, sonnan 1 482 xızmetlerdi puqaralar, orayǵa múrájat etpesten onlayn tárizde yaǵnıy, Birden-bir interaktiv mámleketlik xızmetler portalı (my.gov.uz hámde fo.birdarcha.uz) sistemaları arqalı ámelge asırılǵan.
Sonıń menen birge 292 isbilermenlik subekti sıpatında mámleketlik dizimge alınıp, sonnan 144 yuridikalıq shaxs bolǵan isbilermenlik subektleri bolsa, 148 jeke tártiptegi isbilermenler sıpatında mámleketlik dizimge alındı.
Bul kórsetkishtiń bárshesi oray imáratınıń ózinde ǵana emes, oray xızmetkerleri alıs hám shetki aymaqlarǵa shıqqan halda, ótken 9 ay dawamında 1 600 ǵa jaqın sonnan 100 jaqın mayıplıǵı bolǵan, nawqaslıǵı sebepli orayǵa keliw imkaniyatı bolmaǵan puqaralarǵa kóshpeli mámleketlik xızmetler kórsetildi.
Búgingi kúnde Mámleketlik xızmetler orayları tárepinen kórsetiletuǵın mámleketlik xızmetlerdiń sanı 200 den aslam bolıp, bul mámleketlik xızmetlerdiń bárshesinen orayǵa kelmesten, aralıqtan turıp internet tarmaǵı arqalı onlayn tárizde yaǵnıy, Birden-bir interaktiv mámleketlik xızmetler portalı (my.gov.uz hámde fo.birdarcha.uz) sistemaları arqalı paydalanıwıńız múmkin. Bunda Siziń qımbatlı waqtıńız, finanslıq qárejetlerińiz hámde artıqsha áweregershiliklerde bolmaydı, sonday-aq, mámleketlik xızmetten paydalanıwıńız ushın tólemińiz 10 payızǵa shegirme beriledi.
Kegeyli rayonı Ádillik bólimi, Mámleketlik xızmetler orayı
