Кегейли районы экономика тараўлары, социаллық тараў объектлери ҳәм кѳп квартиралы үй-жай фондын 2022-2023 жыллардың гүз-қыс мәўсимине таярлаўды тәмийинлеў бойынша әмелге асырылып атырған жумыслардыӊ барысы ҳаққындағы мәселени қарап шығып ҳәм “Жергиликли мәмлекетлик ҳәкимият ҳаққында”ғы Қарақалпақстан Республикасы нызамының 21-статьясына муўапық Халық депутатлары Кегейли районлық Кеңеси
Ш Е Ш И М Е Т Е Д И:
- Қарақалпақстан Республикасы Министрлер Кеңесиниң 2022-жыл 28-июньдеги экономика тармақлары, социаллық тараў объектлери ҳәм турақ жай фондын 2022/2023-жылларда гүз-қыс мәўсиминде турақлы ислеўге таярлаў бойынша Қарақалпақстан Республикасы аймақлық комиссиясының 01-08/6-07/397-санлы баянламасында белгиленген ўазыйпалар орынлаў ушын басшылыққа алынсын.
- Кегейли районы экономика тараўлары, социаллық тараў объектлери ҳәм кѳп квартиралы турақ жай фондын 2022-2023 жыллардың гүз-қыс мәўсимине таярлаўды тәмийинлеў бойынша әмелге асырылып атырған жумыслардыӊ барысы ҳаққындағы Кегейли районы ҳәкиминиң қурылыс, коммуникациялар, коммунал хожалығы, экология ҳәм көклемзарластырыў мәселелери бойынша орынбасары А.Отемуратовтың мәлимлемеси мағлыўмат ушын қабыл етилсин.
- Кегейли районы ҳәкимлиги, экономика тараўлары, социаллық тараў объектлери ҳәм кѳп квартиралы үй-жай фондын 2022/2023 жыллардың гүз-қыс мәўсимине таярлаўды муўапықластырыў бойынша Кегейли районы аймақлық штабы (А.Отемуратов):
– 2022/2023 жыллардың гүз-қыс мәўсимине таярлық көриў ҳәм шығынсыз өткерилиўин тәмийинлеў бойынша тийисли мекеме, кәрхана, шөлкемлер тәрепинен әмелге асырылып атырған жумыслардың барысы бойынша ҳәр айда тараў басшыларының есабатларын сын көз-қараста талқылап барсын;
– белгиленген параметрлерди орынлаўға жуўапкер болған тийисли тараў басшылары белгиленген ўазыйпаларды өз ўақтында орынламаған ямаса қанаатландырарсыз орынлаған жағдайда оларға қарсы белгиленген тәртипте интизамий шаралар көриў бойынша усыныслар киритип барсын;
– пуқаралардың өзин-өзи басқарыў уйымлары менен биргеликте табийғий газге жалғанбаған аймақлардағы хожалықларды, “Темир дәптери” дизиминде турған, сондай-ақ жәрдемге мүтәж шаңарақларды көмир, суйылттырылған газ баллонлары менен өз ўақтында тәмийинлеў бойынша зәрүр илажларды әмелге асырсын.
- Кегейли районы ҳәкимлиги (М.Ниязов) тийисли тараў басшылары менен биргеликте 2022/2023 жыллардың қыс-бәҳәр мәўсиминде халықтың азық-аўқат өнимлерине болған талабын қаннатландырыў, базарларда баҳалардың турақлылығын тәмийинлеў мақсетинде қоймаханаларда аўылхожалығы өнимлериниң резервин жаратыў бойынша зәрүр илажларды белгилесин.
- Коммуналлық хызмет көрсетиў тараўлары басшылары (Ж. Ембергенов,
С. Нзанов, А. Таўбаев) 2022/2023 жыллардың гүз-қыс мәўсиминде халықты электр энергиясы, тәбийғий газ ҳәм ишимлик суўы менен үзликсиз тәмийинлеў бойынша зәрүр илажларды белгилесин. - Район ҳәкимлиги (Б.Давлетов), районлық Халық билимлендириў бөлими (Қ.Бекимбетов),районлық мектепке шекемги билимлендириў бөлими
(Г.Ерниязова), районлық медицина бирлеспеси (М.Досбергенов) мектеплерде, мектепке шекемги билимлендириў шөлкемлеринде, емлеў-профилактикалық мәкемелерде гүз-қыс мәўсимин үлгили өткериўди тәмийинлеў бойынша жеке жуўапкер екенлиги көрсетип өтилсин, белгиленген ўазыйпаларды өз ўақтында орынламаған яки қанаатландырарсыз орынлаған жуўапкер хызметкерлерге қатаң интизамий шара көрилетуғынлығы ескертип өтилсин. - Кегейли районы айрықша жағдайлар бөлими (И.Акимов) аймақтағы көп квартиралы турақ жайлардың 2022/2023 жыллардың гүз-қыс мәўсимине таярлығын үйренип шығыў, бунда:
– турақ жайлар ҳәм кѳп квартиралы үйлердиң ѳртке қарсы қәўипсизлик техникалық нормаларына сәйкеслиги;
– морылар, вентиляция системасының оңлаўдан өткерилгенлиги, тазалаў жумысларының өз ўақтында ҳәм сыпатлы әмелге асырылғанлығына айрықша итибар қаратыў тапсырылсын.
- Кегейли районы экономика тараўлары, социаллық тараў объектлери ҳәм кѳп квартиралы үй-жай фондын 2022/2023 жыллардың гүз-қыс мәўсимине таярлаўды муўапықластырыў бойынша аймақлық штабы (А.Отемуратов) экономика тармақларында 2022/2023 жыллардың гүз-қыс мәўсимин шығынсыз өткериў бойынша әмелге асырылып атырған жумыслардың барысы туўралы улыўмаластырылған мағлыўматты ҳәр айдың 5-сәнесине шекем Халық депутатлары Кегейли районлық Кеңесине усынып барыўға миннетленсин.
- Халық депутатлары Кегейли районлық Кеңеси депутатлары аймақтағы социаллық тараў объектлеринде (мектеп, балалар бақшалары, емлеў-профилактикалық мәкемелер) гүз-қыс мәўсиминде турақлы ислеўге таярлық жумысларының барысына депутатлық қадағалаў илажларын алып барсын.
- Кегейли районы мәлимлеме хызмети (Н.Даўенова), Кегейли турмысы газетасы (Е.Мухамбетов) 2022/2023 жыллардың гүз-қыс мәўсимине таярлық көриў ҳәм шығынсыз өткерилиўин тәмийинлеў бойынша әмелге асырылып атырған жумыслар ҳаққында материаллар ғалаба хабар қуралларында турақлы түрде жарытып барсын.
- Усы шешимниң орынланыў барысын қадағалаў Халық депутатлары Кегейли районлық Кеңесиниң санаат, транспорт, қурылыс, коммуналлықтараў ҳәм халыққа хызмет көрсетиў мәселелери бойынша турақлы комиссиясына жүкленсин.