ЭКСПОРТ ПЕНЕН ШУҒЫЛЛАНЫЎШЫ ИСБИЛЕРМЕНЛЕРГЕ ЖЕҢИЛЛИКЛЕР ЖАРАТЫЛАДЫ.

09.09.2022 10:16:51 303 Баспаға шығарыў

Усы жылдың 31-август күни Қарақалпақстан Республикасының экономикалық ҳәм социаллық раўажланыўын жаңа басқышқа алып шығыўды нәзерде тутыўшы – Өзбекстан Республикасы Президентиниң ПП-213-санлы Пәрманы қабыл етилди.

Жаңа Пәрманда ҳәр тәреплеме тараўларды қоллап-қуўатлаў менен бирге экспорт пенен шуғылланыўшы исбилерменлерге де бир қанша жеңилликлер берилген.

Атап айтқанда, шет мәмлекетлерге экспорт қылынатуғын өнимлерди ислеп шығарыўшы исбилерменлер ушын 2022-жыл 1-октябрьден 2028-жыл 1-январьға шекемги дәўирде:

-ислеп шығарылған өнимлерди сырт мәмлекетлерге экспорт етиўде;

-экспорт етилетуғын өнимлерди ислеп шығарыў ушын сатып алынған шийки затларды республика бойлап тасыўда;

транспорт қәрежетлериниң 70% муғдары Сыртқы саўда, инвестициялар, жергиликли санаатты раўажландырыў ҳәм техникалық жақтан тәртипке салыў мәслелери бойынша Ҳүкимет комиссиясы тәрепинен белгиленген дизимге тийкарланып Экспортты хошаметлеў агентлиги тәрепинен қаплап бериледи.

Бул жаратылып атырған қоллап-қуўатлаўлар әлбетте республикамыз исбилерменлериниң экспорт потенциалын асырыўға үлкен үлес қосыўы сөзсиз.

Жеңис Ембергенов,

Халық депутатлары Кегейли районлық Кеңесиниң депутаты.

 

09.09.2022 10:16:51 304