Kegeyli rayonı ádillik bólimine “Kegeyli MTP” JShJda 2021-2022-jıllarda islegen dáwiri ushın is haqıların óndirip beriwdi sorap jámi 21 puqaralardıń múrájatı kelip tústi.
Múrájattı úyreniw dawamında “Kegeyli MTP” JShJniń puqaralardıń is xaqıları ushın qarızdarlıǵı 2022-jıldıń 1-may halatına 278 200 000 (eki júz jetpis segiz million eki júz mıń) sumdı quraytıǵınlıǵı, usı qarızdarlıq juwapker tárepinen usı kúnge shekem tiykarsız túrde tólep berilmegenligi anıqlandı.
Ózbekstan Respublikası Miynet kodeksiniń 154-statyasında jumıs beriwshi óziniń finanslıq jaǵdayına qaramastan, xızmetkerge orınlanǵan jumısı ushın is haqısın belgilengen miynet haqı shártlerine muwapıq usı Kodekstiń 161-statsında kórsetilgen múddetlerde tólewi shárt ekenligi, al Miynet kodeksinin 161-statyasında miynetke haqı tólew múddetleri jámiyetlik shártnama yaki basqada lokal normativ xújjette belgilenedi hám hár yarım ayda bir márteden kem bolıwı múmkin emes dep belgilengen.
Múrájattı úyreniw nátiyjesinde, Shımbay rayonlar aralıq puqaralıq isleri boyınsha sudına puqaralarǵa tóleniwi tiyis bolǵan is haqı hám oǵan teńlestirilgen tólenbey qalǵan 278 200 000 (eki júz jetpis segiz million eki júz mıń) is haqı hám oǵan teńlestirilgen pulların óndiriw haqqında sud buyrıǵın shıǵarıw arza kirgizilip, sud tárepinen arzalar tolıǵı menen qanaatlandırıldı.
B.Ikmetullaev,
Kegeyli rayonı ádillik bólimi
Insan huqıkların qorǵaw ham
huqıktı qollaw ámeliyatın úyreniw
bolimshesi bas másláhátshisi
