Shańaraq- ómir mazmuni hám awladlar dawam etiwin támiynlewshi qádiryatlar besigi, kelesgek násiller ushin tárbiya qorģani esaplanadi. Sol sebepli shańaraq xalqimizda ayyem zamanlardan múqáddes sanalip kelgen hám sonday bolip qaladi. Xaliqtiń, millettiń keleshegi shańaraq penen tiģiz baylanisli. Sebebi hár bir insan shańaraqta tuwiladi hám er jetedi. Hár bir balaniń keleshekte kim hám qanday insan bolip kámal tabiwinda shańaraq áhmiyetli orin tutadi.
Shańaraq- tárbiya qorģani oni abaylap asraw hámmemizdiń minnetimiz.
Shańaraqlar bekkemligin támiynlew máqsetinde sudlarda korilgen nekeni biykarlaw haqqindaģi jumislar hámde orinlarda ótkerilgen ushrasiwlar hám xaliq penen ashiq sáwbetlerde bir birinen bólek jasap atirģan kóplegen kelin kúyewler, olardiń ata-analari menen sáwbetler nátiyjesinde tómendegiler aniqlandi:
-jaslardiń turmis quriwģa tayar bolmastan shańaraq quriwi
-juwapkersizlik
-ishiwshilik, narkotik zatlardi qabil etiw, jinayat etiw
-sirtqi tásirler, yaģniy shańaraqqa aralasiwlar hám internet tarmaqlari, kelin kúyewdiń bir-birine qiyanet etiwi ajrasiwlarģa sebep bolmaqta.
Shańaraqlardiń buzilip ketiwine tásir etip atirģan jaģdaylardiń eń kóbi jaslardiń turmis quriwģa tayin emesligi esaplanadi.
Buni eki jaģdayda kóriw múmkin:
- Nekeleniwshi jaslardiń ruwxiy tárepten shańaraq quriwģa tayar emesligi, shańaraq, kelin kúyew hám olardiń huqiq-minnetleri neden ibarat ekenligin bilmewi
- Shańaraq quriwģa fizikaliq tarepten tayin emesligi
Baxitli shańaraq quriw ushin- bekkem shańaraqti juzege keltiriw, kelin kúyewdiń bir-biriniń aldindaģi minnetler, perzentler tárbiyasi, ata-ananiń perzent aldindaģi minnetleri, shańaraqti saqlaw, oniń buziliwiniń aldin aliw, hárqanday shańaraqtiń baxitli turmis keshiriwin támiynleydi.
Shańaraq kodeksinde kelin kúyewdiń oz ara huqiq hám minnetleri, ata-ana sipatinda olardiń er jetpegen perzentleri aldindaģi huqiq hám minnetleri nizam tárepinen bekkemlengen. Ata-ana perzentin dunyaģa keltirgennen keyin oģan ģamxorliq etiw hám kámil insan sipatinda er jettiriwge juwapker esaplanadi.
Jaslardi shańaraq quriwģa tayarlawda usi máselege itibar qaratiw, olardiń bir-biri aldindaģi, bolajaq perzentleri aldindaģi juwapkershilikleri, minnetleri neden ibarat ekenligin nizam hámde sháriyat nizamlari tiykarinda túsindiriw de óz nátiyjesin beredi.
Kegeyli rayonı PHAJ bólimi inspektori Z.Aliyeva
