Өзбекстан Республикасының 2021-жыл 30-декабрьдеги «2022-жыл ушын Өзбекстан Республикасының Мәмлекетлик бюджети ҳаққында»ғы
ЎРҚ-742-санлы Нызамы ҳәм Өзбекстан Республикасы Бюджет кодексиниң
119 ҳәм 126 статьяларына муўапық Кегейли районы жергиликли бюджетиниң 2022-жыл биринши шереги жуўмағы менен дәраматлар режесиниң артық орынланған бөлеги есабынан анықланған қаржыларын мақсетке муўапық жумсалыўын тәмийинлеў мақсетинде Халық депутатлары Кегейли районлық Кеңеси
Ш Е Ш И М Е Т Е Д И:
- Кегейли районы ҳәкимлигиниң Кегейли районы жергиликли бюджетиниң 2022 жыл биринши шереги жуўмағы менен дәраматлар режесиниң артық орынланған бөлеги есабынан анықланған қаржыларының жумсалыў жөнелислери бойынша усынысы мақуллансын.
- Кегейли районы ушын 2022-жыл 1-шереги жуўмағы менен дараматлар режесиниң артық орынланған бөлеги есабынан анықланған қаржылары муғдары
1-қосымшаға муўапық, дараматлар режесиниң артық орынланған бөлеги есабынан анықланған қаржыларының жумсалыў жөнелислери 2-қосымшаға муўапық тастыйықлансын. - Қаржыларды әмелге асырыўшы жуўапкер мәкеме, кәрхана, шөлкемлердиң басшыларына:
– ажыратылған қаржыларды, туўры, мақсетли ҳәм нәтийжели пайдаланыўды тәмийинлеў;
– жумсалмаған ҳәм үнемленген қаржыларды районның жергиликли бюджетине қайтарыў иләжларын көрсин.
- Кегейли районы финанс бөлими (Ж.Ибрагимов):
– жергиликли бюджеттиң қәрежетлер режесине белгиленген тәртипте тийисли өзгерислер киргизиў;
– ажыратылған қаржылардың мақсетли жумсалыўы үстинен тийисли тәртипте қадағалаў орнатсын.
- Кегейли районы ғазнашылық бөлимине (М.Матекеев) ажыратылған қаржылар бойынша төлемлерди орнатылған тәртипте ҳәм өз ўақтында әмелге асырыў тапсырылсын.
- Усы шешимниң орынланыўын қадағалаў халық депутатлары Кегейли районлық Кеңесиниң Жергиликли бюджет, экономикалық реформаларды әмелге асырыў, инвестициялар ҳәм исбилерменликти раўажландырыў мәселелери бойынша турақлы комиссиясына (С.Қалханов) жүкленсин.
