KÓSHPELI XIZMETLER JALPAQ JAP AYMAǴINDA

11.05.2022 19:38:35 437 Баспаға шығарыў

Kegeyli rayonı Mámleketlik xızmetler orayı xızmetkerleri tárepinen kóshpeli mámleketlik xızmetler shólkemlestirilip kelinbekte.

Solardan biri gezektegi mánzilimiz rayon orayınan 25 km uzaqlıqta jaylasqan Jalpaq jap awıl puqaralar jıyını aymaǵında “Ózimiz keldik” joybarı tiykarında puqaralarǵa keń qolaylıqlar jaratıw hámde olardıń áweregershilikleriniń aldın alıw maqsetinde kóshpeli mámleketlik xızmetler kórsetildi.

Bunda tiykarınan kórsetilgen xızmetlerdiń derlik kópshiligi tamarqa jer hám diyxan xojalıǵın shólkemlestiriw ushın E-auksion platforması arqalı jer alıwg’a elektron sanlı imza (ERI) alıw, puqaralardıń ruwxıy hámde Narkologiya kesellikler boyınsha dispanser esabında turıwı yaki turmaslıǵı haqqında, pensiya hám napaqa haqqında maǵlıwmatnamalardı alıw hámde mámleketlik mektepke shekemgi bilimlendiriw mákemesine dizimge alıw boyınsha 50 den aslam kóshpeli mámleketlik xızmetler kórsetildi.

Kegeyli rayonı Mámleketlik xızmetler orayı

 

11.05.2022 19:38:35 438