Qaraqalpaq xalqınıń ullı jazıwshısı, “Ózbekstan Qaharmanı” Tólepbergen Qayıpbergenov 93 jasta
✍️Tólepbergen Qayıpbergenov 1929-jılı 7-mayda Kegeyli rayonınıń aymaǵındaǵı Shortanbay awılında diyxan shańaraǵında dúnyaǵa keldi.
✅Bolajaq jazıwshınıń eń dáslepki gúrriń hám ocherkleri “Bloknot sóyleydi” degen toplamında basılıp shıqtı. Jazıwshınıń házirge shekem “Sekretar”, “Muǵallimge raxmet”, “Suwıq tamshı”, “Uyqısız túnler”, “Táńhá ózińe málim sır”, “Qara dápter” povestleri, “Sońǵı hújim” “Qaraqalpaq qızı”, “Qaraqalpaq dástanı”, “Kózdiń qarashıǵı”, “Qaraqalpaqnama” romanları, sonday-aq ǵárezsizlik dáwirine tiyisli “O dúnyadaǵı atama xatlar”, “Qálbimniń qamusı”, “Turkiynama”, “Qaraqalpaqpan, táwekelshimen” dóretpeleri, kóp sanlı publicistikalıq shıǵarmaları járiyalandı, olar házirgi qaraqalpaq prozasınıń bunnan bılay da rawajlanıwında úlken áhmiyetke iye bolıp tabıladı.
Kegeyli rayonı hákimliginiń
Málimleme xızmeti
