“Sociallıq qorǵawǵa mútáj xalıq qatlamların materiallıq qollap-quwatlawǵa qaratılǵan qosımsha ilajlar haqqında”ǵı Prezident Pármanı (PP–128-san, 29.04.2022-j.) qabıl etildi
-Pármanǵa tiykar, 2022-jıl 1-maydan baslap jasqa baylanıslı, mayıplıq hám baǵıwshısın joyıtqanlıq pensiyalarınıń muǵdarı 1,12 esege asırıladı.
– Pármanǵa tyikar, Ózbekstan aymaǵında pensiya hám napaqalar muǵdarı tómendegishe etip belgilenedi:
– pensiyanı esaplawdıń bazalıq muǵdarı — ayına 324 000 sum;
-jasqa baylanıslı eń kem pensiya – ayına 633 000 sum;
– mayıplıq pensiyaları, is stajı tolıq bolmaǵan waqıttaǵı mayıplıq pensiyasınıń eń kem muǵdarı — ayına 698 000 sum;
– miynetke jaramsız puqaralarǵa beriletuǵın mayıplıq napaqası hám balalıqtan mayıplıǵı bolǵan shaxslarǵa beriletuǵın napaqa muǵdarı — ayına 698 000;
-1941-1945-jıllardaǵı urısta mayıp bolǵan shaxslar hám onıń qatnasıwshıları, fashistler konclagerleriniń erjetpegen burınǵı (sobiq) tutqınları hám Leningrad qamalında islegenlerdiń eń kem pensiyası ústemelerdi esapqa alǵan halda – ayına 3 080 000 sum;
-belgilengen jasqa baylanıslı eń kem pensiya muǵdarınan (633 000 sumnan) 698 000 sumǵa shekem pensiya alıwshılardıń jasqa baylanıslı pensiya muǵdarı – ayına 698 000 sum.
– Sonıń menen birge, 1-maydan baslap:
– zárúr is stajına iye bolmaǵan kekse jastaǵı puqaralarǵa beriletuǵın napaqa muǵdarı — ayına 500 000 sum;
– is stajı tolıq bolmaǵan waqıttaǵı jasqa baylanıslı pensiyanıń eń kem muǵdarı qosımsha tólemdi esapqa alǵan halda — ayına 500 000 sum;
– baǵıwshısın joyıtqanlıq napaqasın alıwshılardıń bir miynetke jaramsız shańaraq aǵzası ushın napaqa muǵdarı — ayına 500 000 sum etip belgilendi hám keyingi hár bir miynetke jaramsız shańaraq aǵzası ushın – 185 000 sumnan qosıladı;
– baǵıwshısın joyıtqanlıq napaqasın alıwshılardıń bir miynetke jaramsız shańaraq aǵzası ushın napaqa muǵdarı — ayına 500 000 sum etip belgilenip, keyingi hár bir miynetke jaramsız shańaraq aǵzası ushın ámeldegi tártipke muwapıq pensiya tólenedi.
Pensiya qori bolimi baslig’i orinbasari Bazarbaev Alisher Maxsetbaevich
