Өзбекстан Республикасы Министрлер Кабинетиниц 1999-жыл 19-апрельдеги 180-санлы Қарарының 1-қосымшасы менен тастыйықланған «Жазаны өтеў орынларынан азат етилген шахсларға социаллык-турмыслық жағынан ҳәм жумысқа орналасыўында жәрдем көрсетиў бойынша район ҳәкимлиги жанындағы арнаўлы комиссиялар» ҳаққындағы Режесине тийкар Кегейли районы ҳәкими
ШЕШИМ ЕТЕДИ:
- Қарақалпақстан Республикасы Министрлер Кеңеси 2021-жыл 17-февралЬ күнги 43-санлы қарары орынлаў ушын басшылыққа алынсын.
- Қарақалпақстан Республикасы Министрлер Кеңесиниӊ усы қарары менен:
Қарақалпақстан Республикасы Министрлер Кеңеси жанындағы Социаллық бейимлестириў орайы бойынша районлық, арнаўлы комиссияның қурамы 1-қосымшаға муўапық тастыйықланғанлығы;
– Қарақалпақстан Республикасы Министрлер Кеңеси жанындағы Социаллық бейимлестириў орайы бойынша районлық, арнаўлы комиссияның исши топар қурамы 2-қосымшаға муўапық тастыйықланғанлығы;
– Усы қарардың қабыл етилиўине байланыслы Қарақалпақстан Республикасы Министрлер Кеңесиниң 2018-жыл 31-декабрьдеги 681-санлы қарары өз күшин жойытқан деп есапланғанлығы мағлыўмат ушын қабыл етилсин.
- Кегейли районы ҳәкимлиги жанындағы Социаллық бейимлестириў орайы бойынша районлық, арнаўлы комиссияның қурамы 1-қосымшаға муўапық тастыйықлансын.
Район ҳәкимлиги жанындағы Социаллық бейимлестириў орайы бойынша районлық арнаўлы комиссияның исши топар қурамы 2-қосымшаға муўапық тастыйықлансын.
- Усы шешимниң орынланыўын қадағалаў район ҳәкиминиң орынбасары А.Сейтимбетовқа жүкленсин.
Кегейли районы
ҳәкими Д.Утемуратов
