2022-jılda sociallıq qorǵawǵa mútáj, jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń kem sanın belgilew haqqında

Ózbekstan Respublikasınıń “Xalıqtı jumıs penen támiyinlew haqqında”ǵı Nızamı (O’zbekiston Respublikasi Oliy Majlisi Axborotnomasi, 1998 yil 5-6-son, 97-modda)nıń 17-statyası, “Ózbekstan Respublikasında mayıplardı sociallıq qorǵaw haqqında”ǵı Nızamı (O’zbekiston Respublikasi Qonun hujjatlari to’plami, 2008 yil 29-30-son, 277-modda)nıń 25-statyası, Ózbekstan Respublikası Ministrler Kabinetiniń 2017-jıl 5-dekabrdegi “Sociallıq qorǵawǵa mútáj, jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń kem sanın belgilew hám zahiraǵa qoyıw tártibin elede jetilistiriw is-ilájları haqqında» ǵı 965-sanlı qararına tiykar, sociallıq qorǵawǵa mútáj hám jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın Kegeyli rayonında 2022-jıl ushın jumıs orınların bánt etip qoyıw maqsetinde,

Sh E Sh I M E T E M E N:

Ózbekstan Respublikasınıń “Xalıqtıń bántligi haqqında”ǵı qararınıń 9-bólim 39-statyasına tiykarlanıp sociallıq qorǵawǵa mútáj hám jumıs tabıwda qıynalıp atırǵan shaxslardı jumısqa ornalastırıw ushın rayondaǵı kárxanalar, shólkemler hám mákemeler ushın jumısshılardıń dizim boyınsha ortasha sanınan 2425 adamdı quraytuǵın 2,8 payız muǵdarında, sol esaptan:

a) nágiranlar ushın 3,8 payız -2 adam;

b) 14 jasqa tolmaǵan balaları hám nágiran balaları bar jalǵız hámde kóp balalı ata-analar ushın 14,7 payız-10 adam;

v) ulıwma orta hám orta arnawlı, kásip-óner bilimlendiriw mákemelerin pitkeriwshi jaslar, sonday-aq, joqarı oqıw orınlarınıń mámleketlik grantları boyınsha pitkeriwshileri ushın 75 payız – 51 adam;

g) mobilizaciyalıq shaqırıw rezervinde xızmetti ótegen hám Ózbekstan Respublikası Qurallı kúshleri qatarında múddetli áskeriy xızmetten bosatılǵan shaxslar 3 payız-2 adam;

d) rayonlıq bántlikke kómeklesiw orayında jumıs izlewshi sıpatında esapta turǵan pensiya jasına jaqınlasıp qalǵan shaxslar ushın 2 payız-1 adam;

e) jazanı orınlaw mákemelerinen azat etilgen, jazanı ótep atırǵan yaki sud qararına tiykar medicinalıq xarakterdegi májbúriy sharalar qollanılǵan shaxslar ushın 3 payız –2 adam,

j) adam sawdasınan jábir kórgenler ushın 2 payız -1 adam muǵdarında jumıs orınları belgilensin.

2. 2022-jılda sociallıq qorǵawǵa mútáj, jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń kem sanın belgilep qoyıw lazım bolǵan kárxanalar dizimi 1-qosımshaǵa, sociallıq qorǵawǵa mútáj hám jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń kem sanın belgilew boyınsha dúzilgen arnawlı komissiya quramı 2-qosımshaǵa tiykar tastıyıqlansın.

3. Kárxana hám mákemeler basshılarına sociallıq qorǵawǵa mútáj hám jumıs tabıwda qıynalıp atırǵan shaxslardı jumıs penen támiyinlew ushın 2021-jıl juwmaqlanıwınan 10 kún aldın kvota jumıs orınları ulıwma muǵdarınıń keminde 25 payızı ushın, 2021-jıldıń 10-aprelinen keshikpey jumıs orınlarınıń qalǵan bólegi 75 payızın quraw (ajıratıw yaki bánt etip qoyıw) haqqındaǵı, yaǵnıy hár bir kvota tayıpası boyınsha jumıs orınları bánt etip qoyılatuǵın kásipler hám lawazımlar, qániygelikler kesimindegi maǵlıwmatlardı hám sheshim boyınsha shıǵarılǵan buyrıq koshirmelerin rayonlıq Bántlikke kómeklesiw orayına usınıw wazıypaları júkletilsin.

4. Kárxana hám mákemeler basshıları sociallıq qorǵawǵa mútáj hám jumıs tabıwda qıynalıp atırǵan shaxslar ushın jumıs orınlarınıń kórsetip ótilgen muǵdarın Ózbekstan Respublikası Ministrler Kabinetiniń 2017-jıl 5-dekabrdegi 965-sanlı qararı menen tastıyıqlanǵan “Sociallıq qorǵawǵa mútáj, jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń kem sanın belgilew hám zahiraǵa qoyıw tártibin elede jetilistiriw is-ilájları haqqında»ǵı Rejege muwapıq, belgilengen múddetlerde hám tártipte jaratılıwın (ajıratılıwın yaki bánt etip qoyılıwın) hámde jumıs orınları sanitariya-gigiena normalarına hám jumısshı óz minnetlerin biymálel orınlawın támiyinleytuǵın miynet shárayatlarına muwapıq bolıwın támiyinlesin.

5. Usı sheshim talapları orınlanbaǵan jaǵdayda mákemeniń lawazımlı shaxslarına “Sociallıq qorǵawǵa mútáj, jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń kem sanın belgilew hám zahiraǵa qoyıw tártibin elede jetilistiriw is-ilájları haqqında»ǵı Rejeniń 21-bántine muwapıq nızam hújjetlerinde belgilengen tártipte hákimshilik juwapkershilik belgilenedi.

6. Rayonlıq bántlikke kómeklesiw orayı (A. Djumabaev)qa:

Ózbekstan Respublikası Bántlik hám miynet qatnasıqları ministriniń «Ózbekstan Respublikası Bántlikke kómeklesiw mámleket jamǵarması qarjıları esabınan subsidiya hám grantlar ajıratıw tártibi haqqındaǵı Rejesin tastıyıqlaw haqqında»ǵı (AV dizimnen ótken 3163-san, 31.05.2019 j) buyrıǵına tiykar, subsidiyalar ajıratıp beriw tártibi ámeliyatqa eńgizilgenin esapqa alıp, «sociallıq qollap-quwatlawǵa mútáj halıq qatlamlarına tiyisli shaxslardı kvotalanǵan eń kem sanınan artıq muǵdarda jumısqa qabıl qılǵan kárxanalarǵa-hár bir xızmetker ushın 12 ay dawamında hár ayda eń kem aylıq is haqınıń 2 esesi muǵdarında haq tólew» haqqındaǵı normanı 1-qosımshada kórsetilgen kárxana, mákeme, shólkem basshılarına jetkerilsin hám túsindiriw jumısları alıp barılsın.

7. Rayonlıq Bántlikke kómeklesiw orayı direktorı (A. Djumabaev) usı sheshimdi tiyisli kárxana hám shólkem basshılarına jetkersin hámde onıń orınlanıwı ústinen qatań qadaǵalawdı támiyinlesin.

8. Kegeyli rayonı hákiminiń 2021-jıl 20-sentyabrdegi «2020-jılda sociallıq qorǵawǵa mútáj, jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń
eń kem sanın belgilew haqqında»ǵı 3565-09-sanlı sheshimi (Kegeyli turmısı gazetası, 2019-jıl 30-sentyabr 15-16(6203-6204) 2020-jıl 31-dekabrden óz kúshin joyıtqan dep esaplansın.

9. Usı sheshimniń orınlanıwın qadaǵalaw rayon hákiminiń birinshi orınbasarına júkletilsin.

10. Bul sheshim «Kegeyli turmısı» gazetasında rásmiy járiyalansın hámde Kegeyli rayonı hákimliginiń málimleme xızmeti (T.Muxiyatdinova)ne hákimliktiń rásmiy veb-saytında jaylastırılsın.

11. Sheshim rásmiy túrde járiyalanǵan kúnnen baslap kúshke kiredi.

Kegeyli rayonı hákimi: D.M.Utemuratov

1-qosımsha

2022-jılda sociallıq qorǵawǵa mútáj, jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń kem sanın belgilep qoyıw lazım bolǵan kárxanalar dizimi

№	Mákeme karxana hám shólkemler	Islewshiler sanı	Ajıratılǵan kvota orınları sanı	Sonnan
№	Mákeme karxana hám shólkemler	Islewshiler sanı	Ajıratılǵan kvota orınları sanı	А	B	V	G	D	Е	J
1	Kegeyli Abadanlastırıw basqarması	156	10	2	2	0	2	1	2	1
2	Kegeyli raynlıq medicina birlespesi	953	20	0	5	15	0	0	0	0
3	Kegeyli raynlıq mámleketlik sanitariya-epidemiologiyalıq baqlaw orayı	63	8	0	3	5	0	0	0	0
4	1-sanlı ulıwma orta bilim beriw mektebi	118	2	0	0	2	0	0	0	0
5	2-sanlı ulıwma orta bilim beriw mektebi	122	2	0	0	2	0	0	0	0
6	5-sanlı ulıwma orta bilim beriw mektebi	80	2	0	0	2	0	0	0	0
7	3-sanlı ulıwma orta bilim beriw mektebi	85	2	0	0	2	0	0	0	0
8	19- sanlı ulıwma orta bilim beriw mektebi	163	2	0	0	2	0	0	0	0
9	8- sanlı ulıwma orta bilim beriw mektebi	126	2	0	0	2	0	0	0	0
10	14- sanlı ulıwma orta bilim beriw mektebi	71	2	0	0	2	0	0	0	0
11	38- sanlı ulıwma orta bilim beriw mektebi	69	2	0	0	2	0	0	0	0
12	22- sanlı ulıwma orta bilim beriw mektebi	82	2	0	0	2	0	0	0	0
13	4- sanlı ulıwma orta bilim beriw mektebi	69	2	0	0	2	0	0	0	0
14	6- sanlı ulıwma orta bilim beriw mektebi	46	1	0	0	1	0	0	0	0
15	36- sanlı ulıwma orta bilim beriw mektebi	52	2	0	0	2	0	0	0	0
16	4- sanlı mektepke shekemgi bilimlendiriw bólimi	46	2	0	0	2	0	0	0	0
17	11- sanlı mektepke shekemgi bilimlendiriw bólimi	46	2	0	0	2	0	0	0	0
18	3- sanlı mektepke shekemgi bilimlendiriw bólimi	40	2	0	0	2	0	0	0	0
19	1- sanlı mektepke shekemgi bilimlendiriw bólimi	38	2	0	0	2	0	0	0	0
	Jámi	2425	69	2	10	51	2	1	2	1

Esletpe: A) nágiranlar, B) 14 jasqa tolmaǵan balaları hám nágiran balaları bar jalǵız hámde kóp balalı ata-analar, V) ulıwma orta hám orta arnawlı, kásip-óner bilimlendiriw mákemelerin pitkeriwshi jaslar, sonday-aq, joqarı oqıw orınlarınıń mámleketlik grantları boyınsha pitkeriwshiler, G) mobilizaciyalıq shaqırıw rezervinde xızmetti ótegen hám Ózbekstan Respublikası Qurallı kúshleri qatarında múddetli áskeriy xızmetten bosatılǵan shaxslar, D) rayonlıq bántlikke kómeklesiw orayında jumıs islewshi sıpatında esapta turǵan pensiya jasına jaqınlasıp qalǵan shaxslar, E) jazanı orınlaw mákemelerinen azat etilgen, jazanı ótep atırǵan yaki sud qararına tiykar medicinalıq xarakterdegi májbúriy sharalar qollanılǵan shaxslar, J) adam sawdasınan jábir kórgenler.

2-qosımsha

2022-jılda socialliq qorǵawǵa mútáj, jumıs tabıwda qıynalatuǵın hám miynet bazarında teń shártlerde básekilese almaytuǵın shaxslardı jumısqa jaylastırıw ushın jumıs orınlarınıń eń kem sanın belgilep qoyıw boyınsha dúzilgen arnawlı komissiya quramı

(Lawazımı boyınsha) Rayon hákiminiń birinshi orınbasarı, komissiya baslıǵı
A.Djumabaev Rayonlıq Bántlikke kómeklesiw orayı direktorı, komissiya baslıǵınıń orınbasarı

xatkeri