Xalıq deputatları Kegeyli rayonlıq Keńesiniń gezektegi jigirmalanshı sessiyası bolıp ótti. Sessiyaǵa rayonlıq Keńestiń deputatları, Ózbekstan Respublikası Finans ministrliginiń aymaqlar qarjısı basqarması baslıǵınıń orınbasarı U.Tojibaev, AT “Asaka bank” departamenti direktorı A.Asatullaevlar qatnastı.
Sessiya kún tártibinde eki másele, Kegeyli rayonına Ózbekstan Respublikasınıń ministrlik, mákeme hám kommerciyalıq bankler tárepinen biriktirilgen «Máhállebay» úyreniwler nátiyjesi boyınsha islep shıǵılǵan «Kegeyli rayonın social-ekonomikalıq rawajlandırıw boyınsha 2021-2022-jıllarda ámelge asırılatuǵın is-ilajlar baǵdarlamasın» tastıyıqlaw hám Ózbekstan Respublikası Prezidenti basshılıǵında 2020-jıl 8-oktyabr kúni ótkerilgen videoselektor májilisindegi 
“Jámiyette hayallar hám jaslardıń rolin kúsheytiw, sonday-aq, olardıń bántligin támiyinlew” maqsetinde “Hayallar dápteri”lerin shólkemlestiriw ilajları boyınsha belgilengen wazıypalardıń orınlanıwın támiyinlew máseleleri kórip shıǵıldı.
Kegeyli rayonı hákimligi Málimleme xızmeti
