Ózbekstan Respublikası Ministrler Kabinetiniń «Avtomobil jolların, jol soorujenieleri, temir jol kesilispelerin, avtomobil jolları hám kósheler boyında jaylasqan AJQS, AGTKS hám AGQS (avtomobilge benzin quyıw, gaz toltırıw hám gaz quyıw) stanciyaların qurıw, rekonstrukciya etiw hám ońlaw joybarların kelisiw boyınsha mámleketlik xızmetler kórsetiwdiń hákimshilik reglamentlerin tastıyıqlaw haqqında»ǵı 111-sanlı qararı tastıyıqlandı.
Qarar menen avtomobil jolların, jol soorujenieleri, temir jol kesilispelerin, avtomobil jolları hám kósheler boyında jaylasqan AJQS, AGTKS hám AGQS (avtomobilge benzin quyıw, gaz toltırıw hám gaz quyıw) stanciyaların qurıw, rekonstrukciya etiw hám ońlaw joybarların kelisiw boyınsha mámleketlik xızmetlerin kórsetiwdiń hákimshilik reglamenti tastıyıqlanıp, reglamentke kóre, isbilermenlik subektlerine usı xızmetler Mámleketlik xızmetler orayları yamasa Birden bir interaktiv mámleketlik xızmetler portalı arqalı Ishki isler ministrligi Mámleketlik jol háreketi qáwipsizligi bas basqarması yamasa onıń aymaqlıq basqarmaları (wákillikli uyım) tárepinen kórsetiledi.
Bunıń ushın sorawnama toltırıladı.
Sorawnamaǵa joybar hám oǵan baylanıslı bárshe hújjetlerdiń elektron nusqası qosımsha qılınadı. Sorawnama menen tek ǵana bir joybar kórip shıǵıladı.
Sol tiykarda wákillikli uyım 5 jumıs kúninde joybarlardıń tiyisli talaplarǵa sáykes ekenligin úyrenip shıǵadı.
Joybarlardı kelisiw wákillikli uyımnıń elektron sanlı imzası menen tastıyıqlanadı.
Kelisilgen joybarlar 1 kún múddette arza beriwshilerge elektron formada jiberiledi.
Mámleketlik xızmetler kórsetiliwi ushın BEMnıń 30 payızı (73 500 sum) muǵdarında, Birden bir interaktiv mámleketlik xızmetler portalı (BIMXP)arqalı múrájat etilgende bolsa usı summanıń 90 payızı muǵdarında jıyım óndiriledi.
Wákillikli uyım belgilengen múddetlerde joybarlardı kelisiw boyınsha juwmaq usınbaǵan jaǵdayda, joybar Mámleketlik xızmetler orayları (BIMXP) tárepinen avtomatik túrde kelisilgen dep esaplanadı.
Kegeyli rayonı Mámleketlik
xızmetler orayı bas qánigesi
R.Nurullaeva
