«Jergilikli mámleketlik hákimiyat haqqında»ǵı Ózbekstan Respublikası Nızamınıń 24-statyasına muwapıq xalıq deputatları Kegeyli rayonlıq rayonlıq Keńesi
SHESHIM ETEDI:
1. Ózbekstan Respublikası Prezidentiniń 2020 jıl 24-sentyabrdegi “Tábiyǵiy gaz qadaǵalawı hám esabınıń avtomatlastırılǵan sistemasın engiziw” joybarın ámelge asırıwǵa tiyisli is-ilájları haqqındaǵı PQ-4840-sanlı qararınıń orınlanıwın támiyinlew boyınsha alıp barıp atırǵan jumısları tuwralı “Hududgaz Qaraqalpaqstan” filialı “Kegeylitumangaz” támiynatı bólimi baslıǵı S.Nzanovtıń esabatı maǵlıwmat ushın qabıl etilsin.
2. “Hududgaz Qaraqalpaqstan” filialı “Kegeylitumangaz” támiynatı bólimi baslıǵı S.Nzanovqa, joybar sheńberinde:
ajıratılatuǵın qarejetlerden maqsetli hám nátiyjeli paydalanıw hám belgilengen ilajlardı óz waqtında hám sapalı ámelge asırıw;
elektron gaz esaplaǵıshların ornatıw hám sistema imkaniyatlarınan nátiyjeli paydalanıw boyınsha ámeliy oqıw shınıǵıwlar shólkemlestiriw hámde tiyisli xızmetkerlerdiń kónlikpe ham tájiriybelerin asırıp barıw;
elektron gaz esaplaǵıshlarınıń tutınıwshılarǵa ornatıwda belgilengen tártipke qatań ámel qılıwı hámde tutınıwshılardıń huqıqları buzılıwınıń aldın alıw;
xalıqqa jetkerilip berilip atırǵan tabiyǵiy gaz joǵaltıwların saplastırıw boyınsha rejelestirilgen nátiyjelikti támiyinlew;
tólemlerdi óz waqtında hám tolıq muǵdarda óndiriliwin támiyinlew ústinen qatań qadaǵalaw ornatıw boyınsha ayqın ilájlar belgilesin.
3. Kegeyli rayonı hákiminiń sanaattı rawajlandırıw, kapital qurılıs, kommunikaciyalar hám kommunal xojalıǵı máseleleri boyınsha orınbasarı A.Otemuratovqa:
tábiyǵiy gaz qadaǵalawı hám esabınıń avtomatlastırılǵan sisteması engiziliwi boyınsha tiyisli tártipte qadaǵalaw ornatıw, anıqlanǵan kemshiliklerdi óz waqtında saplastırıw;
sistemanı engiziwdi shólkemlestiriw boyınsha jumıslardıń nátiyjeliligin, debitorlıq qarızdarlıqlardı kemeyttiriw hám nızamsız jalǵap alıwlarǵa shek qoyıw boyınsha jumıslarına baha beriw, bul baǵdarda kemshiliklerge jol qoyıp atırǵan juwapker xızmetkerlerdiń óz lawazımına ılayıqlılıǵı boyınsha rayon hákimine usınıs kiritip barsın.
4. Usı sheshimniń orınlanıw barısın qadaǵalaw Xalıq deputatları Kegeyli rayonlıq Keńesiniń sanaat, transport, qurılıs, kommunal xojalıǵı máseleleri hám xalıqqa xızmet kórsetiw boyınsha turaqlı komissiyasına júklensin.
Xalıq deputatları Kegeyli
rayonlıq Keńesiniń baslıǵı: D.Utemuratov
