Ózbekstan Respublikası Ministrler Kabinetiniń 2020 jıl 16-marttaǵı “Mámleketlik emes notarial jumısın tártipke salıwshı normativ-huqıqıy hújjetlerin tastıyıqlaw haqqında”ǵı 156-sanlı qararın basshılıqqa alıp, sonday-aq Qaraqalpaqstan Respublikası Ádillik ministrliginiń 2021jıl3-fevraldaǵı 7/1-6/139-sanlı xatına muwapıq Xalıq deputatları Kegeyli rayonlıq Keńesi
SHESHIM ETEDI:
1. Ózbekstan Respublikası Ministrler Kabinetiniń 2020-jıl 16-marttaǵı “Mámleketlik emes notarial jumısın tártipke salıwshı normativ-huqıqıy hújjetlerin tastıyıqlaw haqqında”ǵı 156-sanlı qararı basshılıqqa alınsın.
2. Kegeyli rayonı aymaǵındaǵı jeke ámeliyat penen shuǵıllanıwshı notarius Atamuratov Baxıtbay Orınbaevich tárepinen 2020 jıldaǵı ámelge asırılǵan notarial jumıslarınıń awhalın úyreniw juwmaǵı menen notarial háreketler ushın óndiriletuǵın mámleketlik bajı tólemleriniń notariustıń ıqtıyarında qaldırılatuǵın muǵdarın qayta kórip shıǵıw boyınsha deputatlıq toparınıń usınısı maqullansın.
3. Xalıqqa notaril xızmetlerin kórsetiwdiń sapasın jaqsılaw maqsetinde, sonday-aq ózin-ózi qarjılandırıw imkaniyatınıń tómen ekenligin esapqa alıp, notarial háreketler ámelge asırılǵanlıǵı ushın óndiriletuǵın mámleketlik bajınıń rayon byudjetine kelip túsetuǵın bóleginiń 10 payızın kemeyttiriw esabınan mámleketlik bajınıń 20 payızǵa shekemgi bólegin Kegeyli rayonı aymaǵındaǵı jeke ámeliyat penen shuǵıllanıwshı notarius Atamuratov Baxıtbay Orınbaevichtiń ıqtıyarında qaldırıw huqıqı berilsin.
4. Qaraqalpaqstan Respublikası Ádillik ministrligine (B.Atamuratov) jeke ámeliyat penen shuǵıllanıwshı notarius Atamuratov Baxıtbay Orınbaevich házirgi waqıtta Qaraqalpaqstan Respublikası Ádillik ministrliginiń balansındaǵı imáratta ijara shártnaması tiykarında jumıs alıp barıp atırǵanlıǵın esapqa alıp, oǵan qolaylı shart-sharayat jaratıp beriwde ámeliy járdem beriw usınıs etilsin.
5. Usı sheshimniń orınlanıw barısın qadaǵalaw Xalıq deputatları Kegeyli rayonlıq Keńesiniń Nızamlılıqtı támiyinlew hám korrupciyaǵa qarsı gúresiw másleleri boyınsha komissiyasına júklensin
Xalıq deputatları Kegeyli rayonlıq Keńesiniń baslıǵı D.Utemuratov
