Ózbekstan Respublikası Prezidentiniń 2018 jıl 24 dekabrdegi “Jámiyetshilik qáwipsizligin támiyinlew nátiyjeliligin asırıw boyınsha qosımsha is-ilájlar haqqında”ǵı PQ-4075-sanlı qararı hámde «Jergilikli mámleketlik hákimiyat haqqında»ǵı Ózbekstan Respublikası Nızamınıń 24-statyasına muwapıq xalıq deputatları Kegeyli rayonlıq rayonlıq Keńesi
SHESHIM ETEDI:
1. Kegeyli rayonı aymaǵında jámiyetlik qáwipsizlikti támiyinlew boyınsha alıp barıp atırǵan jumıslardıń nátiyjeleri hám aymaqta júz bergen awır hám oǵada awır túrdegi jınayıy awhalları haqqındaǵı másele boyınsha Kegeyli rayonlıq ishki isleri bólimi baslıǵınıń orınbasarı Tileumuratov Azamat Maxsetovichtiń bayanatı maǵlıwmat ushın qabıl etilsin.
2. Kegeyli rayonı hákimligine, rayonlıq ishki isler bólimine:
– aymaqta júz bergen, birinshi náwbette sociallıq-turmıs tústegi jınayatlardıń kelip shıǵıw sebepleri hám sharayatların úyrenip shıǵıw, huqıqqa qılaplıq háreketlerdi keltirip shıǵarǵan sebeplerdi anıqlastırıw hámde juwapker lawazımlı shaxslardıń háreketsizligine tiyisli baha berip barıw hám sharalar kóriw;
– jámiyetlik qáwipsizlikti támiyinlew nátiyjeligin asırıw boyınsha mánzilli usınıslar islep shıǵıw;
– huqıqqa kılaplıq háreketler boyınsha óz waqtında tásir sharaların kóriw;
– huqıqbuzarlıqlar profilaktikası jumıslarında tiyisli organlar mákemeler hám shólkemlerdiń qatnasıwın támiyinlew hám olardıń birge islesiwin shólkemlestiriwde tásirsheń is-ilájlar belgilew hám qadaǵalawın ornatıw;
– jınayatlar dárejesi páseygen, olardıń aldın alıw hám boldırmaw boyınsha óz waqtında ilájlar kórilgen aymaqlarda tiyisli puqaralar jıyınları baslıqları hám belsendilerin, profilaktika inspektorların xoshemetlep barıw ilájların kóriw tapsırılsın.
3. Mákeme, kárxana, shólkemlerdiń basshılarına:
– jınayatshılıqtıń aldın alıw, ásirese urlıq jınayatınıń aldın alıw maqsetinde jámiyetlik orınlarda, bazarlarda, mákeme, kárxana, shólkemlerdiń aymaqlarında velosipedler turar orınların (veloparkovka) shólkemlestiriw ilájların kórsin.
4. Rayon aymaǵında jámiyetlik qáwipsizlikti támiyinlew boyınsha islenip atırǵan jumıslardıń nátiyjeleri, ásirese aymaqta sadir etilgen awır hám oǵada awır jınayıy awhallar haqqındaǵı másele hár ayda Xalıq deputatları rayonlıq Keńestiń sessiyalarında hám tiyisli turaqlı komissiya májilislerinde talqılanıp barılsın.
5. Usı sheshimniń orınlanıw barısın qadaǵalaw Xalıq deputatları Kegeyli rayonlıq Keńesiniń Nızamlılıqtı támiyinlew hám korrupciyaǵa qarsı gúresiw másleleri boyınsha komissiyasına júklensin.
Xalıq deputatları Kegeyli rayonlıq Keńesiniń baslıǵı D.Utemuratov
