Kegeyli rayonı hákimliginiń hákimshilik-aymaqlıq dúzilisi máseleleri boyınsha rayonlıq komissiyasınıń juwmaǵı tiykarında hámde Kegeyli rayonı “Jalpaq jap”, “Júzim baǵ” awıl puqaralar jıyınlarınıń “Kókózek” hám “Iyshan qala” awılların dúziw haqqındaǵı usınısların inabatqa alıp, sonday-aq “Ózbekstan Respublikasınıń háqimshilik-aymaqlıq dúzilisi haqqında”ǵı ÓzbekstanRespublikası Nızamınıń 21-statyası, “Geografiyalıq obektlerdiń atamaları haqqında”ǵı Ózbekstan Respublikası Nızamınıń 9-statyasına muwapıq Xalıq deputatları Kegeyli rayonlıq Keńesi
SHESHIM ETEDI:
1. Kegeyli rayonı quramında Kókózek” hám “Iyshan qala” awılların dúziw haqqındaǵı Kegeyli rayonı hákimliginiń hákimshilik-aymaqlıq dúzilisi máseleleri boyınsha rayonlıq komissiyasınıń hámde Kegeyli rayonı Jalpaq jap” hám “Júzim baǵ” awıl puqaralar jıyınlarınıń usınısları maqullansın.
2. Kegeyli rayonı:
“Jalpaq jap” awılı quramındaǵı “Ǵarbızshı awıl”, “Kóp soqır”, “Guleke awıl”, “Ayteke bıyıqsıyıq”, “Qırıq oymawıt”, “Mánjiwli awıl”, “Ayteke sheriwshi”, “Aralbay awıl”, “Nazarxan awıl”, “Qálli jaǵıs”, “Sańmurın qıpshaq”, “Bessarı awıl”, “Nanbay awıl”, “Saymaxan awıl, “Aqqudıq” elatlı punktleri birlestirilip, ulıwma maydanı 165,1 kv.km. (16510 ga) bolǵan “Kókózek” awılı;
“Júzim baǵ” awılı quramındaǵı “Basar”, “Tuwbay”, “Qızıl úy”, “Iyshan qala”, “Eshkili”, “Sańmurın”, “Baǵlıqıtay”, “Estek”, “Ayteke-2”, “Ǵarǵa túbek”, “Qańlı”, “Qazaq awıl”, “Jaman awıl”, “Qazayaqlı”, “Qálli jaǵıs”, “Ayteke-3”, “Qarasıyraq” elatlı punktleri birlestirilip, ulıwma maydanı 86,32 kv.km (8632,5 ga) bolǵan “Iyshan qala” awılı dúzilsin.
3. Kegeyli rayonı “Kókózek” hám “Iyshan qala” awıllarınıń shegaralarınıń kartalıq sızılması tastıyıqlansın. (qosımsha qılınadı)
4. Kegeyli rayonı “Jalpaq jap” awılı quramındaǵı “Ǵarbızshı awıl”, “Kóp soqır”, “Guleke awıl”, “Ayteke bıyıqsıyıq”, “Qırıq oymawıt”, “Mánjiwli awıl”, “Ayteke sheriwshi”, “Aralbay awıl”, “Nazarxan awıl”, “Qálli jaǵıs”, “Sańmurın qıpshaq”, “Bessarı awıl”, “Nanbay awıl”, “Saymaxan awıl, “Aqqudıq” elatlı punktleri aymaqlarınan puqaralar wákilleriniń jıynalıslarına wákil bolıp saylanǵan puqaralar wákilleri- “Kókózek” awıl puqaralar wákilleri bolıp;
“Júzim baǵ” awılı quramındaǵı “Basar”, “Tuwbay”, “Qızıl úy”, “Iyshan qala”, “Eshkili”, “Sańmurın”, “Baǵlıqıtay”, “Estek”, “Ayteke-2”, “Ǵarǵa túbek”, “Qańlı”, “Qazaq awıl”, “Jaman awıl”, “Qazayaqlı”, “Qálli jaǵıs”, “Ayteke-3”, “Qarasıyraq” elatlı punktleri aymaqlarınan puqaralar wákilleriniń jıynalıslarına wákil bolıp saylanǵan puqaralar wákilleri – “Iyshan qala” awıl puqaralar wákilleri bolıp esaplanıwı belgilensin.
5. Kegeyli rayonı puqaralar jıyınları baslıqları (aqsaqalları) saylawın shólkemlestiriw hám ótkeriwge kómeklesiwshi rayonlıq komissiyaǵa nızamshılıqta belgilengen tártipte jańadan dúzilgen “Kókózek”, “Iyshan qala” awılları puqaralar jıyınları baslıǵı (aqsaqalı) saylawın ótkeriwdi shólkemlestiriw ilájların kórsin.
6. Kegeyli rayonı hákimligine Kegeyli rayonı “Kókózek”, “Iyshan qala” awıllarınıń dúziliwine baylanıslı bolǵan tiyisli hújjetlerdi Qaraqalpaqstan Respublikası Ministrler Keńesine usınsın.
Usı sheshimniń orınlanıwın qadaǵalaw xalıq deputatları Kegeyli rayonlıq Keńesiniń Sekretariat baslıǵı U.Utegenovqa júklensin.
Xalıq deputatları Kegeyli rayonlıq Keńesiniń baslıǵı D.Utemuratov
