Ózbekstan Respublikası Prezidentiniń 2021-jıl 10-fevraldaǵı «Nızamshılıq hújjetleriniń orınlanıwın nátiyjeli shólkemlestiriwde mámleketlik basqarıw organları hám jergilikli atqarıwshı hákimiyat organları basshılarınıń jeke juwapkershiligin kúsheyttiriwge tiyisli qosımsha is-ilajları haqqında»ǵı PF-6166-sanlı Pármanına muwapıq xalıq deputatları Kegeyli rayonlıq rayonlıq Keńesi
SHESHIM ETEDI:
1. Ózbekstan Respublikası Prezidentiniń 2021 jıl 10-fevraldaǵı «Nızamshılıq hújjetleriniń orınlanıwın nátiyjeli shólkemlestiriwde mámleketlik basqarıw organları hám jergilikli atqarıwshı hákimiyat organları basshılarınıń jeke juwapkershiligin kúsheyttiriwge tiyisli qosımsha is-ilajlar haqqında»ǵı PF-6166-sanlı Pármanı hámde usı párman tiykarında qabıl etilgen Qaraqalpaqstan Respublikası Ministrler Keńesiniń 2021 jıl 17-fevraldaǵı 41-sanlı qararı orınlaw ushın basshılıqqa alınsın.
2. Kegeyli rayonı hákimliginde, mámleketlik mákemelerde hám xojalıq basqarıw organlarında Ózbekstan Respublikası Prezidentiniń 2021-jıl 10-fevraldaǵı PF-6166-sanlı Pármanınıń orınlanıwın támiyinlew boyınsha “Jol karatası” 1-qosımshaǵa, jumıslardı shólkemlestiriw hám atqarıw intizamın bekkemlewdiń tiykarǵı jónelislerin ámelge asırıw boyınsha “Háreketler rejesi” 2-qosımshaǵa, “Jol kartası”nda belgilengen is-ilajlardıń óz waqtında hám sapalı ámelge asırılıwın támiyinlew boyınsha Shólkemlestiriw toparı 3-qosımshaǵa muwapıq tastıyıqlansın.
3. Kegeyli rayonı hákimligi, mámleketlik basqarıw organları hám shólkemlerdiń basshıları:
– Ózbekstan Respublikası Prezidentiniń joqarıdaǵı Pármanında belgilengen talaplardıń óz waqtında hám sapalı, sonday-aq, nızamshılıq hújjetleri hám tapsırmalardıń orınlanıwın támiyinlew boyınsha jeke juwapker ekenligi kórsetip ótilsin;
– “Jol kartası”nda belgilengen múddetlerde nızamshılıq hújjetleri hám tapsırmalardıń ámelge asırılıwın támiyinlew boyınsha maqsetli úyreniwlerdi turaqlı túrde alıp barıw, tapsırmalardıń nátiyjeli ámelge asırılıwın, erisilgen nátiyjeler hám anıqlanǵan kemshilikler sın kóz-qarasta talqılap barsın;
– nızamshılıq hújjetleri hám tapsırmalardaǵı wazıypalar xám talaplardıń óz waqtında ámelge asırılıwın támiyinlewde kemshiliklerge jol qoyıp atırǵan juwapker shaxslarǵa belgilengen tártipte intizamiy jaza qollanıw sharaların kóriw tapsırılsın.
4. Ózbekstan Respublikası Prezidentiniń joqarıdaǵı atı atalǵan Pármanı menen 2021 jıl 1-may sánesinen baslap barlıq mámleketlik organları hám shólkemleri hámde jergilikli mámleketlik hákimiyat organlarında atqarıwshılıqtı qadaǵalaw, qadaǵalaw kartotekaların júritiw hám esabatların qáliplestiriw tek «Ijro.gov.uz» sistemasında ámelge asırılıwı belgilengenligi maǵlıwmat ushın qabıl etilsin.
5. Kegeyli rayonı ádillik bólimine:
– nızamshılıq hújjetleri hám tapsırmalardıń óz waqtında, tolıq hám sıpatlı ámelge asırılıwın támiyinlew boyınsha tarawlar kesiminde mánzilli úyreniwler alıp barıw hám monitoringin júrgiziw, bul baǵdarda orın alıp atırǵan mashqalalardı anıqlaw hámde olardı hal etiw boyınsha tiyisli mákemelerge anıq usınıslar beriw;
– mámleketlik mákemeler hám karxanalarǵa nızamshılıq hújjetleri hám tapsırmalardıń orınlanıwı boyınsha huqıqıy-metodikalıq másláhátler berip barıw wazıypaları júklensin.
6. Mámleketlik mákemelerdegi atqarıwshılıq intizamınıń sıpatı hám awhalı hár ayda úyrenilip shıǵılsın hám Xalıq deputatları rayonlıq Keńestiń sessiyalarında hám turaqlı komissiyalar májilislerinde tiykarlanǵan analizlerge muwapıq sın-kóz qarasta talqılanıp barılsın.
7. Xalıq deputatları Kegeyli rayonlıq Keńesiniń turaqlı komissiyalarına, rayonlıq Keńes deputalarına Párman talaplarınıń orınlanıuın támiyinlew boyınsha “Jol kartası”ndaǵı belgilengen wazıypalardıń izbe-iz hám óz waqtında orınlanıwı ústinen turaqlı túrde deputatlıq hám jámiyetshilik qadaǵalawın alıp barsın.
8. Nızamshılıq hújjetleri hám tapsırmalardıń orınlanıwın támiyinlew baǵdarındaǵı alıp barılıp atırǵan jumıslar ǵalaba xabar qurallarında hám sociallıq tarmaqlarda keń túrde jarıtıp barılsın.
9. Usı sheshimniń orınlanıw barısın qadaǵalaw Xalıq deputatları Kegeyli rayonlıq Keńesiniń turaqlı komissiyalarına hám Kegeyli rayonı hákiminiń tarawlar boyınsha orınbasarlarınıń juwapkershiligine júklensin.
Xalıq deputatları Kegeyli rayonlıq Keńesiniń baslıǵı: D.Utemuratov
