Házirgi waqıtta Kegeyli rayonlıq komissiyası tárepinen elatlı punktler dizimi hám shegaraların anıqlastırıw, elatlı punktlerdegi kóshelerdiń atları hám úy-jay nomerleri kórsetilgen kórsetkishlerdiń barlıǵı, qala hám rayonlardıń sxematik kartası hám elatlı punktlerdiń sxematik rejelerin tayarlaw, elatlı punktlerde jasawshı adamlar sanın kórsetken halda shańaraq hám úyler dizimin qáliplestiriw boyınsha shólkemlestirilgen jumıslar alıp barılmaqta.
Búgingi kúnde Kegeyli rayonınıń sxematik kartası hám elatlı punktlerdiń sxematik rejeleri texnik shártleri tiykarında elektron túrde tayarlandı. Sonday-aq, elatlı punktlerde jasawshılar sanın kórsetken halda shańaraq hám úyler dizimi qáliplestirildi.
Joqarıdaǵılardan kelip shıǵıp, xalıqtı dizimge alıwdı ótkeriwge puxta tayarlıq kóriw máqsetinde Kegeyli rayonın «Mádeniyat» MPJ aymaǵında – elatlı punktlerdiń sxematik rejelerin texnik shártlerge tolıq uqsas túrde tayarlandı, aymaqlıq birlikler dizimi hám shegaraların anıqlastırıw jumısları juwmaǵına jetkerildi.
Qaraqalpaqstan Respublikası Ministrler Keńesiniń 2020-jıl 26-avgust kúngi 01-07/5-08/199-sanlı tapsırmasın tolıq juwmaqlaw boyınsha elatlı punktler hám kóshelerge atama belgileriniń ornatılıwın támiyinlew hám úy-jaylardıń tolıq nomerleri (tablichka) ornatılıwın támiyinlew boyınsha jámi 796 xojalıqtan 682 xojalıq nomerler menen tolıq támiynlenip, 114 xojalıqta nomerleӳ jumısları, sonday-aq, elatlı punktlerde jasawshı xalıq sanı boyınsha «Mádeniyat» MPJ hám statistika shólkemleri maǵlıwmatları ortasındaǵı ayırmashılıqlarǵa anıqlıq kirgiziw wazıypaları ámelge asırılmaqta.
M.Bekmuratov, Kegeyli rayonlıq Statistika bóliminiń baslıǵı.
