Oliy Majlis senatorı keń jámiyetshilik wákilleri menen ushırasıw ótkerdi

13.02.2021 18:43:47 515 Баспаға шығарыў

13-fevral kúni Kegeyli rayonı 11-sanlı Balalar muzıka hám kórkem óner mektebiniń májilisler zalında Ózbekstan Respublikası Oliy Majlis senatorı O.Ataniyazova keń jámiyetshilik wákilleri menen ushırasıw ótkerdi. Ushırasıwda O.Ataniyazova Ózbekstan Respublikası Oliy Majlisi Senatınıń on ekinshi jalpı májilisinde maqullanǵan nızamlar, kórip shıǵılǵan máseleler, 2017–2021-jıllarda Ózbekstan Respublikasın rawajlandırıwdıń bes áhmiyetli baǵdarı boyınsha Háreketler strategiyasınıń “Jaslardı qollap-quwatlaw hám xalıqtıń salamatlıǵın bekkemlew jılı”nda ámelge asırıwǵa baylanıslı mámleketlik baǵdarlamanıń mazmun-mánisi boyınsha hár tárepleme túsinik berdi. Sonday-aq, Senatqa rayonımızdıń puqarası tárepinen jollanǵan múrájattı usı orınnıń ózinde úyrenip, onıń unamlı sheshim tabılıwı ushın jol-jobalar kórsetip, rayon belsendilerine tiyisli kórsetpelerdi berdi.

Kegeyli rayonı hákimliginiń málimleme xızmeti

13.02.2021 18:43:47 516