Búgingi kúnde mámleketimizde jaslar máselesine mámleketlik siyasat dárejesinde úlken itibar qaratılmaqta. Ózbekstan jasları xalqımızdıń bay ruwxıy-aǵartıwshılıq miyrasın, ziyrekligi, miynetsúyiwshilik, watansúyiwshilik sıyaqlı jaqsı dástúrlerin ózinde jámlegen halda, jámiyetimizde múnásip orın iyelemekte. Bul tárepler jaslarımızdıń izleniwsheńligi, bilim iyelewge bolǵan tilegi, dóretiwshilik qábileti, reformalarımızǵa baylanıslı juwapkerlik sezimi bekkemliginde belgili boladı. Sonlıqtan elimiz jaslarına jaratılǵan sharayatlar, keń kólemli imkaniyatlarǵa, olar erisip atırǵan tabıslarǵa kópshilik, atap aytqanda, dúnya jasları háwes penen qaramaqta.
Húrmetli Prezientimiz Shavkat Mirziyoev tárepinen 2020-jıl 25-dekabr kúni ótkerilgen Ózbekstan jasları forumıda jaslarǵa motivaciya, biznes xám isbilermenlik tarawında zárúr bilim xám kónikpelerin qáliplestiriw kerekligin aytıp ótti. Sol arqalı olardı isbilermenlikke keń túrde tartıw xám bántligin támiyinlew boyınsha “Hár bir isbilermen – jaslarǵa ǵamxor” baslaması qollap quwatlandı.
Bul baslama boyınsha jaslardıń isbilermenlikke bolǵan qızıǵıwshılıqların arttırıw maqsetinde Kegeyli rayonı Mámleketlik xızmetler orayı xızmetkerleri tárepinen rayon aymaǵındaǵı ulıwma bilim beriw mekteplerindegi 11-klass oqıwshılarına «Isbilermenlik tiykarları» sabaqları ótkerilip kelinbekte.
Bunda tiykarınan oray xızmetkerleri tárepinen, oqıwshı jaslarǵa «Mámleketlik xızmetler agentliginiń shólkemlestiriliwi», «Isbilermenlik subekti hám onıń túrleri», «Isbilermenlik subektleriniń shólkemlestiriw hújjetleri haqqında», «Elektron húkimet haqqında» hámde «Birden bir interaktiv mámleketlik xızmetler portalınnan (my.gov.uz) sistemasınan paydalanıw tártibi» temalarında arnawlı sabaqlıqlar ótkerilip barılmaqta.
Ótkerilgen sabaqlar boyınsha oqıwshılar ózlerinin qızıqtırǵan sorawlarına oray xızmetkerleri tárepinen juwaplar aldı hámde jaslardı isbilermenlikke tartıw maqsetinde bank tárepinen imtiyazlı beriletugın kreditler hám salıq jeńilliklerin ózinde sáwlelendirgen qollanbalar hám bukletler tarqatıldı.
